UMALIS noong Linggo, Jan. 6, ang Queen of All Media na si Kris Aquino papuntang Singapore para sa ilang series of medical tests na may kaugnayan pa rin sa kanyang kalusugan.
Partikular ding ibinihagi rin ni Kris kamakailan sa kanyang Facebook Live na isa pa sa main reasons ng pagpunta niya ng Singapore ay para ipa-check-up ang bukol tumutubo sa kanang bahagi ng kanyang leeg.
Fourteen days o halos kalahating buwang mawawala sa Pilipinas si Kris at habang nasa Singapore ay balak niya rin munang i-deactivate ang kanyang social media accounts. Ito raw ang payo ng kanyang mga doctor para makaiwas sa stress.
Samantala, kapansin-pansin ang pagbaba ng timbang ni Kris sa ilang photos na naka-post sa kanyang Instagram.
“I know you’ve noticed the weight loss, we’ve done our best para dayain,” sabi pa niya.
La Boka
by Leo Bukas
