MUNTIK PALANG MABAGOK ang ulo ni Kris Aquino nang madulas siya habang naliligo sa banyo.
Isinugod si Kris sa hospital matapos na mag-complain ang TV host sa kanyang mister na si James Yap ng pananakit ng ulo.
“My gosh! Super exhaustion and my lack of balance while scrubbing my legs, I slipped in the shower. Super banged my head around 1:30 AM. So stayed up till 3 A.M. because not supposed to sleep after a bad untog! I’m still dizzy today,” say ni Kris sa kanyang twitter account.
Itinakbo ni James si Kris sa Makati Medical Center kung saan ilang test ang kanyang pinagdaanan. Ang sabi ng TV host, medyo naapektuhan ang kanyang inner ear kaya medyo nahihilo siya.
Since aminado si Kris na sobrang napagod siya, hindi maikakailang naaapektuhan na ang kanyang health sa sobra niyang trabaho. Apat kasi ang show ng hitad sa Dos at talaga namang overworked siya.
Ano kaya ang tingin sa kanya ng Dos, isang makina na hind marunong mapagod? Grabe naman ang Dos kung magbigay ng trabaho, talagang wala yata silang pakialam sa kanilang talent kung magkasakit man ang mga ito sa sobrang pagtatrabaho. Ganyan ba ang isang tunay na Kapamilya?
Actually, may kasalanan din naman si Kris kung bakit siya nadisgrasya. Sa ngalan ng datung, tanggap siya nang tanggap ng project at hindi na niya iniisip na maapektuhan ang kanyang health.
Ang nagagawa nga naman ng pera!
Dapat mag-rejoice na naman ang fans ni Nora Aunor.
Nominado kasi ang premyadong aktres sa 10 Best Asian Actresses of the Decade (2000-2009) Award sa 2010 Green Globe Film Awards.
Ang awards night ay gagawin sa March 23, 2010 sa isang dinner gala sa Westin Bonaventure Hotel’s California Ballroom in Los Angeles. Para sa karagdagang impormasyon, maaari kayong bumisita sa 2010 Green Globe Film Awards website.
Nasa short list si Nora sa Asian greats tulad nina Maggie Cheung, Gong Li, and Ziyi Zhang. Actually, si Ate Guy lamang ang pasok sa Philippines. Tatlumpung Asian actresses ang pinagpilian at ang iba ngang Asian countries ay may dalawa o tatlong entry. Malaking bagay na napasama na si Ate Guy sa short list. Imagine, from 30 ay napasama siya sa apat na lang na pagpipilian.
Kaya kayong mga Noranians, ipakita n’yo ang inyong pagmamahal sa inyong idolo sa pamamagitan ng pagboto kay Ate Guy. Para bumoto, just click this link: http://movie- voters.questionp ro.com. Suportahan ninyo ang nag-iisang Superstar!
GRABE PALA KUNG magdisiplina sa anak ang isang napakagaling na character actor.
Nahuli kasi niya ang kanyang nagbibinatang anak na naninigarilyo. Siyempre, galit na galit ang lolo mo. Halos kaladkarin niya ang bagets niyang anak pauwi ng bahay.
Katakut-takot na sermon ang inabot ng bagets sa kamay ng kanyang magaling na aktor na ama. Halos maiyak-iyak na nga ang bata.
Hindi pa nagkasya sa kanyang pagsesermon, umalis ng bahay ang aktor. Pagbalik ay may dala na itong isang ream ng sigarilyo, ang brand na hinihithit ng kanyang anak.
Inilabas ng aktor sa kaha ang 20 sticks ng yosi at pilit na ipinasok sa bibig ng kanyang anak na noon ay nangangatal na sa matinding takot. Ngayon lang kasi niya nakitang galit na galit ang kanyang ama.
Nang akmang sisindihan na ng aktor ang yosi, biglang pumasok ang dyowa nitong artista rin. Na-shock ang kanyang misis at doon sila nag-away.
Lex Chika
by Alex Valentine Brosas
