HANGGANG NGAYON PALA ay hindi pa rin daw binabayaran ni Krista Ranillo ang diumano’y utang niya sa producer ng pelikulang Marino.
Naisulat na namin noon ang nasabing utang pero ang akala namin, e, binayaran na ito ni Krista dahil sa dami ng kanyang pera ngayon. Pero ang nakarating sa aming balita, wala pa ring natatanggap ang engineer na producer na inutangan ng sexy star.
200,000 pesoses lang naman daw ang inutang ni Krista nu’ng hindi pa sila nagsisimulang mag-shooting ni Manny Pacquiao para sa pelikulang Wapakman, pero ewan kung bakit hindi pa rin ito paid until now.
Ngayong pino-promote na ang pelikulang Marino, siguradong mauungkat na naman ang utang na ‘yon ni Krista sa naturang producer.
Never kaming na-invite sa kahit na anong event ng Marino pero kapag nagkaroon kami ng chance, e, talagang tatanungin namin si engineer kung bakit niya pinautang si Krista bukod pa sa talent fee na natanggap niya as one of the female stars.
Hmmm… hindi kaya type din ni engineer si Krista at naunahan lang siya ng milya-milya ni Pacman kaya ang magaling na boxer ang naka-knock out sa puso ng sexy star? Esep-esep!!!
SA DALAWANG PAGKAKATAON na nakita namin si Shaina Magdayao, isa sa cast party ng Rubi at ang isa naman, e, sa grand press conference, kitang-kita namin ang medyo malaking peklat sa kanyang left knee.
Bukod du’n, e, may nakita rin kaming mahabang gasgas sa tabi ng peklat na ‘yon.
Dahil diyan, may nag-text… true kaya na ang peklat na ‘yon, e, bunga nu’ng minsan naging tipsy si Shaina sa isang bar at nadapa dahil sa hindi na niya nakayanan ang pagkalasing sa dami ng kanyang nainom?
At dahil sa kanyang literal na pagkadapa, nagkaroon siya ng galos at sugat na ngayon, e, isa na ngang peklat sa kanyang left knee? That is, kung true nga ang mga tsismis na nalango siya sa alak, once upon a time.
We can still remember na sa isang interview, e, inamin naman niya na walang masama kung magkasayahan sila ng kanyang mga dabarkads tutal naman, e, ine-enjoy lang niya ang kanyang youth, hendehvah?
E, baka nga sa sobrang pag-e-enjoy niya, e, nadapa siya at nagkasugat.
Sayang, ang kinis-kinis pa naman ng kutis ni Shaina. Nagkaroon pa ng peklat… tsk!!!
KUNG ANG TATANUNGIN ay ang Saudi-based fashion designer na si Rey Gutengco, gusto niyang bihisan at damitan ang mga stars na sina Maja Salvador, Erich Gonzales, Kim Chiu at Krista Ranillo.
Hindi man niya tuwirang inamin na mga fashion victims ang nasabing mga stars ay gusto niya ring bigyan ng chance ang mga ito at sisiguraduhin niyang mabibighani ang mga followers nila kapag dala nila ang label ng damit ni Mama Rey.
Para sa mga showbiz observers and followers nu’ng early 80’s, e, siguradong pamilyar ang kanyang pangalan dahil siya ang nagdadamit kina Sheryl Cruz and Janice de Belen, isama na rin ang amiga niyang si Rosemarie Sonora at ang nasirang Ricky Belmonte.
At kung sakaling magkainteres man ang mga nabanggit na young stars sa itaas at ma-realize na sila’y mga fashion victims nga, puwede nilang puntahan si Mama Rey sa kanyang bagong bukas na shop na Orange and Raymond sa A. Mabini St., Sangandaan, okidoki?
For reactions, please e-mail [email protected]
Sour-MINT
by Joey Sarmiento
