OLA CHIKKA! HANGGANG ngayon ay mainit na mainit pa rin ang Krista Ranillo-Manny Pacquiao issue.
Dahil sa hindi mamatay-matay na ibinabato sa kanila, nasundan pa ito ng panibago nang lumipad ang sexy actress papunta sa Amerika upang bisitahin diumano ang kapatid nitong may sakit. Kaya ang hinala ng karamihan ay susuportahan at bibisitahin ni Krista ang Pambansang Kamao, huh!
Pero kapansin-pansin, mula noon pa, halos pahirapan upang makuhanan ng reaksiyon si Krista hinggil sa isyu. Kung anu-anong alibi ang ginagawa nito upang hindi ma-interview.
Noong una, tikom ang bibig nito at may hawak pang cellphone. Kesyo may kausap sa cellphone na importante at halos hindi maistorbo.
Nasundan pa ito ng kakauwi lang niya galing Amerika, may hawak ding cellphone at may kausap. Hanggang ngayong pag-alis niya ng bansa papuntang Amerika, may hawak din itong cellphone at kesyo may kausap pa rin.
Hellerrr! Nakasasawang parati na lang may kausap sa cellphone. Wala nang mang-aagaw, ikaw na talaga ang ‘cellphone queen”! Hehehe!
Puwede ba, gumawa naman ng ibang strategy para kapani-paniwala naman. Hindi yata naturuan ng manager niya para hindi mahalata, ‘di ba? Ay, naku! Kalerke talaga! ‘Yun na!
SPEAKING OF MANNY Pacquiao, sa January 30, ngayong darating na Sabado, magsasalpukan na ang mga boses nina Mommy Dionesia at Imelda Papin sa kanilang concert.
Basagan ng eardrums, ‘ika nga, ang labanan dahil bibirit din daw itong si Mommy Dionesia at hindi magpapatalbog sa Jukebox Queen. Kaya todo-ensayo ang lola n’yo.
First time nga raw mangyayari ito na gaganapin sa Aliw Theater.
Kahapon napanood ng lahat ang dalawa sa ‘Magpasikat’ portion ng Showtime, kung saan hindi rin ako nakalimutang batiin ni Vhong Navarro. Halos araw-araw, binabanggit ng guwapong host ang aking namesung. Hehehe! Salamat Vhong! ‘Yun na!
‘Wag n’yo pong kalimutang pakinggan ang aking programa sa dwbl 1242 khz everyday 8-9 A.M. at sa dzrh 666 khz every Sunday. At makikita n’yo rin ang beauty ko sa inyong telebisyon sa rhtv from 2:30-3:30 P.M. ‘Yun na!
Ooola Chika
E-mail: [email protected]
by Tita Swarding
