“NASAAN KA, MARUJA?” ang bagong teleserye ni Kristine Hermosa with Derek Ramsay, John Estrada and Karylle. Habang nagpi-pictorial ang magandang actress, wala kaming kiber sa ilang oras na paghihintay, ma-interview lang si Kristine.
Kumusta naman ‘yung relationship ninyo ni Oyo Boy? “Okey kami, nandoon pa rin kami as friends lang, kahit tapos na ‘yung annulment issue. ‘Yun lang kasi ang aaminin ko, wala nang iba. So, if mayroon naman at na-level na namin, sasabihin ko naman.”
May possibility bang mauwi rin sa isang seryosong relasyon? “Oo naman, malaki ang possibility. Kasi mabait na tao naman si Oyo, mahal naman niya ako, sabi niya. Hindi lang natin alam kung kailan, hinihintay lang talaga namin ‘yung parehong maramdaman namin.”
First reaction ni Oyo Boy sa annulment ng kasal niya? “Tinanong niya ako, kung ano ang nararamdaman ko, medyo confuse din siya. Hindi naman siya ever na naging selfish sa idea para sa kanya, para sa ikabubuti ko at sa ikabubuti ni Diet. Natuwa lang siya, isa rin ‘yun sa mga bagay na medyo magulo na nangyari, so ‘yun. It’s time to move on, kung kami man ulit so, mas maayos. If ever hindi na kami, mag-move on ng kanya-kanya.”
Ngayon, single na uli si Kristine, puwedeng maging open ang relationship ninyo ni Oyo Boy. “Kahit naman noon, pinag-uusapan ‘yung sa amin ni Oyo. Eversince naman, open kami. ‘Yun nga lang hindi ninyo naririnig ‘yung gusto ninyong marinig dahil wala naman talaga!”
May chance pa bang magkabalikan sila ni Diet? “Wala akong sinasabing anything, wala rin akong isinasara na kahit na ano. Hindi ko pa alam kung saan ako dadalhin ng buhay ko. Si Diet mayroon na, ako na lang ‘yung wala pa,” depensang sagot ni Kristine na para bang umaasa pa rin na baka-sakali sa bandang huli, sila pa rin ni Diether.
Na-miss mo ba si Diet? “Oo naman, nakaka-miss din naman ‘yun, hindi ko dini-deny.”
Ayon kay Oyo Boy, si Kristine daw ang babaeng gusto niyang pakasalan kung sakaling maging malalim ang kanilang relasyon.
“Nakakatuwa naman, gusto niya akong pakasalan, hahaha! Joke lang. Mas gusto ko namang marinig ‘yun kaysa playtime or fling, ‘di ba? Ang pangit naman ng ganoon so, natutuwa naman ako.”
Nag-i-entertain ka pa ba ng manliligaw? “Open naman ako. Si Oyo naman ang matagal kong naging kaibigan kaya comfortable na kami sa isa’t isa. Ang napansin ko lang sa sarili ko ngayon, medyo takot lang ako sa ibang tao, especially sa lalaki. Medyo natatakot ako kaya ‘pag medyo nalilibang-libang na ako… oops, hindi puwede!”
Kanino ka nagka-trauma, kay Jericho Rosales o kay Diether?
“Iba’t-ibang level lang, hahaha! Iba naman siyempre, puppy love, bilang love talaga so, iba’t ibang impact pero parehong masakit.”
Kay Oyo, ano’ng matatawag mong relationship? “Si Oyo kasi all in one, alam mo ‘yun. Sobrang bait na kaibigan, sobrang supportive na parang naging kuya ko na rin. Kapag may nakikita siyang mali, sasabihin ka niya ng todong-todo. As of the moment, talagang walang level, at kung ano siya sa buhay ko.”
AYAW Paawat!
by Eddie Littlefield
