PATULOY NA IDINEDENAY ng EB Babe na si Lian Paz ang balitang buntis siya. Pero isang very reliable source ang nagkukumpirmang two months na ang tiyan ng girlfriend ni Paolo Contis. Ayon pa sa aming source, nakasabay pa niya si Lian nang magpa-check up ito sa isang OB Gyne. At habang nagtsitsikahan sila ng iba pang soon-to-be-moms na nandoon, may nakapagbanggit nga raw na buntis din itong si Lian.
Balitang naka-indefinite leave na rin si Lian sa Eat Bulaga. Walang malinaw na dahilan na nakarating sa showbiz press. Pero ang usap-usapan, gusto raw itago ni Lian ang pagbubuntis sa mata ng publiko. Sa puntong ‘yon, walang masama, kung ang nais ni Lian ay magkaroon ng privacy ang kanyang bagong pamilya.
Dasal na lang ng marami, hindi makaapekto ang cyst sa ovary ni Lian sa kanyang kalagayan ngayon. Matatandaang inamin noon ng girlfriend ni Paolo ang sakit niyang ‘yon. Umaasa rin ang malapit kina Paolo at Lian na ang pagbubuntis na ito ng dancer-singer ang maging daan para magkaayos naman ang aktor at ang kanyang ina. Nagkaroon ng misunderstanding ang mag-ina nang maging mag-on sina Paolo at Lian.
Isang malapit din kay Paolo ang nagsabing excited na itong maging isang ama. At handang-handa na ito sa susuunging bagong estado sa buhay.
by Eric Borromeo
