TUMULAK NA patungong Singapore ang cast ng Got To Believe para sa (kung hindi kami nagkakamali) book 2, kung saan (anyway, kumalat na naman) kasama ang Star Magic talent at alaga naming si Liza Soberano para maka-love triangle ang nangungunang loveteam na sina Kathryn Bernardo at Daniel Padilla.
Ngayon pa lang, binilinan na namin si Liza na ihanda na niya ang kanyang sarili, dahil may ilang fans ang Kathniel na iba-bash siya sa social media.
Pero siyempre, salamat sa lahat ng KathNiels na nakakaunawa na ito’y trabaho lang at walang halong personal.
Anyway, kahit naman sino ang ilagay sa puwesto ni Liza, maba-bash pa rin ng ilang fans, so live and deal with it. “Actually, Tito Ogie, hindi ko naman po aagawin kay Ate Kath si Daniel, eh. Ako mismo, I’m a fan of their loveteam. Kinikilig nga ako sa kanila, eh.
“‘Yung akin po talaga, work lang talaga. Kaya I’m so thankful that most of the KathNiels understand that this is just work and nothing more than that. Thank you talaga sa kanila. But most of all, I thank all my friends and supporters na nandiyan palagi for me.”
Ganyan nga, anak. ‘Pag hindi ka na-bash, ibig sabihin, wala kang kadating-dating.
Alam na.
Oh My G!
by Ogie Diaz
