KUNG MARAMI ang nagulat sa ginawang pagpo-pose ng seksi ni LJ Reyes sa isang men’s magazine, siguradong marami rin ang magugulat sa sinabi nito na handa na rin siyang maghubo sa isang painting session at wala siyang dapat daw ipag-alala sa ama ng kanyang baby na si Paulo Avelino.
Eversince naman daw nang manganak siya, hindi siya pinakikialaman ng ama ng kanyang baby kaya walang problema kung gustuhin man niyang mag-pose nang hubad sa isang painting session.
Malaki raw kasi ang tiwala nila sa isa’t isa ni Paulo kaya puwede nilang gawin kung anuman ang gusto nila sa kanilang showbiz career.
Hindi rin daw siya mangingiming magpakita ng behind sa isang pelikula basta done in good taste at kailangan talaga sa istorya ng movie. At basta naniniwala siya sa project na maganda ang kalalabasan.
Pinagdiinan din ni LJ na dahil sa tiwala nila sa isa’t isa ni Paulo, hindi naman daw sila gagawa ng bagay na makaaapekto sa kanilang pagsasama.
Hindi rin niya itatago sa paglaki ng kanyang anak ang mga ginawang pag-pose nang seksi sa men’s magazine, sa halip ay ipakikita pa niya ito sa anak dahil proud siya sa ginawa.
Sabi ni LJ, feeling niya, ngayon pa lang siya nagsisimula sa showbiz dahil sa magagandang opportunities at project na ibinibigay sa kanya ng GMA 7 at talent management na humahawak sa kanya, ang PPL Entertainment.
HINATULAN NA ng US District Court of Nevada ang wife ni Senator Lito Lapid na si Marissa Lapid ng 3 years probation dahil sa kasong cash smuggling sa Las Vegas noong January 2012.
Dahil active na naman ang showbiz career ni Tanya Garcia-Lapid na wife ngayon ng anak ni Senator Lapid na si Mark Lapid, hiningan namin ito ng reaction sa nangyayari ngayon sa kanyang mother-in-law.
“Mama is okay naman there in Las Vegas. Kababalik lang niya roon last January. Dito kasi siya nag-Christmas and New Year. And a few days ago, nag-hearing nga sila. Mark was there to give support. Tapos nabalitaan nga namin, lumabas ang hatol kay mama.
“Mama was given 3 years probation only. But she is allowed naman to travel. There is no jail time because there was no evidence that any of the money was improperly obtained. Proven naman that the money was legal. The only violation was failing to properly report it.
“So everthing’s okey. Pinagdasal naming lahat ang kaso ni mama. Mabuti naman na ganoon lang ang hatol sa kanya. Makakauwi pa naman si Mama rito sa Pilipinas. We might visit her din in Las Vegas kung hindi pa siya uuwi muna,” say ni Tanya.
So there, hindi po makukulong ang maybahay ni Senator Lito Lapid.
HINDI NAMAN itinatanggi ni Sharon Cuneta na nakikipag-usap siya sa big boss ng ABS-CBN particular na kay Ms. Charo Santos-Concio.
Pero bago mag-isip ng ‘di maganda sa Megastar, walang katotohanang babalik na or gusto ni Megastar magbalik-Dos, dahil ‘di naman nawawala ang communication ng Megastar sa big boss ng Dos. Kahit wala na siya sa ABS-CBN ay nananatili pa rin ang pagiging magkaibigan nila sa isa’t isa.
Nandoon pa rin ang respeto sa isa’t isa kaya no big deal kung makita man si Sharon ay walang magiging problema.
Oh. C’mon!
By Gerry Ocampo
