HATERS GONNA HATE. Kahit ano pa ang sabihin ng mga bashers ni Jessy Mendiola, hindi maipagkakaila na masuwerte kung sinuman ang lalaking mapapaibig niya. Maliban sa napaka-sweet nito (based on her social media postings) at napakaganda, hindi rin patapon ang kanyang katawan na talaga namang flawless at habang tumatanda yata ito ay lalong lumalakas ang sex appeal.
No wonder hindi mapigilan ng kanyang very happy boyfriend na si Luis Manzano na magcomment sa Instagram na napaka-lucky niya naman talaga to call Jessy his girlfriend. Some weeks ago ay todo bakod din ng TV Host sa comments section ng social media account ng dyowa sa pagsasabing sa kanya lang talaga ang sexy actress. Sa kanya lang!
In fairness, nakakabilib talaga sina Luis at Jessy, huh! Marami ang nagsasabi at nanghuhula na maghihiwalay agad ang dalawa dahil hindi naging madali ang first few months ng kanilang relasyon. Nand’yan ang mga utaw na sinisisi si Jessy sa pagpapabaya sa karera ng kanyang ex-bf na si JM de Guzman. Sino ba ang makakalimot sa mga bashers na pilit ibinababa si Jessy dahil lang siya ang ipinalit ni Luis kay Angel Locsin?
Hindi visible ngayon sa TV si Jessy, pero mukhang happy naman ito sa buhay niya kahit hindi siya active ngayon. Nakatakda siyang lumabas sa isang pelikula with Zanjoe Marudo at baka naman by 2018 ay magbalik-telebisyon na ito… or who knows, baka wedding bells na ang kanilang ikakampana?
