MULING PINATUNAYAN ni Luis Manzano ang kanyang galing sa pagho-host with his new ABS-CBN television shows Sarah G Live and Deal or No Deal. Sa katunayan, si Kris (Aquino) ang pumili kay Luis bilang bagong host ng Deal or No Deal.
Kamakailan lang ay na-interview ko si Luis sa Bandila. Isa si Luis sa mga artistang masarap interbyuhin because of his wit, intelligence, and honesty.
He looks happy and it shows in his aura. Sabi ko nga ay hindi mo talaga mape-fake kapag masaya ka dahil nanggagaling ito sa kaibuturan ng iyong puso.
Tinanong ko siya na kung bubuksan ang kanyang puso ay anong pangalan ng babae (hindi pangalan ng mommy niya at hindi kamag-anak) ang nakasulat dito. “Jennylyn Mercado,” ang nakangiti niyang sagot.
Kung ayaw niyang sabihin ang pangalan ng babaeng huling nagpaiyak sa kanya dahil hindi na kailangang balikan pa ang isyu ay hindi rin niya binanggit ang pangalan ng lalaking huli niyang pinagselosan.
Luis is also a versatile daring actor. He had a smack with Vice Ganda in Petrang Kabayo at nagkaroon siya ng gentle kissing scene with John Lloyd Cruz sa In My Life. Kung siya ang tatanungin, sino ang mas magaling humalik sa dalawa?
“I would have to say John Lloyd Cruz. Humingi siya ng maraming rehearsals. We were in New York and even after the take sabi niya, ‘Ano nga ulit iyon?’ Sabi ko, ‘Lloydie, this is a role. Sabi niya, ‘No, I’m taking this seriously’,” ang biro niyang pagkukuwento.
If he were to be reincarnated as a woman ay pipilin daw niya ang kanyang best friend na si Anne Curtis. At kung siya naman si Anne Curtis ay sino kina Lloydie, Vhong Navarro, at Billy Crawford ang kanyang sasagutin kapag siya ay niligawan? “Nakita ko kung paano magmahal ang tatlong iyan. And siguro sa kanilang tatlo with the way they give value to their relationships any guy would be worthy sa kanilang tatlo para sa puso ni Anne.”
Talbog sina Lady Gaga, Katy Perry, at Rihanna kay Batangas Governor and Star for All Seasons Ms. Vilma Santos dahil ang kanta nitong Sweet Sixteen ang pinili ni Luis bilang pinakamagandang kanta. “Si Mommy ang safe to say ang kauna-unahang nagbigay ng pagkakataon sa mga non-singers na magkaroon ng hit album. It goes to show na may nakikita talaga ang tao sa mga unique na boses kagaya ng sa Mommy ko.”
Walang dudang in-love si Luis. Tinanong ko siya kung magpo-propose ba siya kay Jennylyn if hypothetically it’s the last night of the world. Sagot niya, “Let me get the ring.”
Kaibigan, usap tayo muli!
Points of Boy
by Boy Abunda
