NAG-SPLIT SILA ni Rayver Cruz, pero ngayon naman, ma-dalas ka-date ni Cristine Reyes si Dennis Trillo. Ano ‘to, nagkabalikan ba sila? Sa isang resto, nakita sila ng friend ko, nagsusubuan pa raw.
So ‘yun na ba ‘yon?
Aba eh, wala namang problema kung pareho naman silang single at nagmamahalan, hindi ba?
Ang nakabubuwisit lang naman diyan eh, ‘yung ‘pag tinanong ng mga reporter na, “No, we’re just friends! Bahala na po kung saan mauuwi!”
Kung kayo na, umamin na. Dahil kahit sabihin n’yong gusto n’yong manatiling private ang relasyon n’yo, eh, ano ba’ng assurance na hanggang ending eh kayo kung magiging private, ‘di ba?
Happy kayo, so ipagmalaki n’yo.
Ang hirap niyan, ‘pag hindi kayo umamin, puwede pang umetchos ang lalaki sa ibang babae kung may pagkakataon, lalo pa’t idinedenay pa ang relasyon, ‘di ba?
Think about it.
O, baka umamin na sila, ako lang talaga ang nahuli sa balita?
Hahahah!
AN’DAMI NANG nagtatanong sa amin kung kumita ba ang Must Be… Love launching movie nina Daniel Padilla at Kathryn Bernardo. Kasi raw, ba’t parang “quiet” ang Star Cinema at hindi masyadong nag-iingay?
Actually, nakausap namin ang isang staff ng Star Cinema at paliwanag sa amin, “Kasi, Ogs, mula nu’ng i-release namin nu’ng January ang Chinese Zodiac, hindi na kami nagde-day-to-day gross announcement. Ang ginagawa namin, hinihintay naming matapos ang showing.”
Pero kumita ba?
“Oo naman. Almost P10 million nu’ng first day at umakyat pa ‘yon nu’ng weekends! Kumita ‘yon, lalo na’t maliit lang ang budget ng pelikula, wala naman kaming artistang milyon ang talent fee!”
So there you go. There you go daw, o!
NAIKUWENTO SA amin ni John Lloyd Cruz ‘yung hirap niya sa It Takes A Man And A Woman kaya siya naiyak sa presscon. Pero hindi na ito para isulat, dahil medyo technical.
Kaya rin siguro nasabi ni Lloydy na gusto niyang i-enjoy ang buhay niya, ang bubuuin niyang pamilya. Early retirement ba ito? Hahahaha!
Anyway, sabi nga namin kay Lloydy, ituring na lang niyang bahagi ng pinasok niyang showbiz ang mga nangyayari sa paligid niya na depende sa kanya kung tatanggapin niya, lalayasan niya o dededmahin na lang niya para hindi siya masyadong maapektuhan.
Hindi bale, mukhang sa trailer pa lang ay kaabang-abang na ang pelikula nilang ito ni Sarah Geronimo na showing na sa March 30 o sa Black Saturday.
Ang mga anak ko nga, atat na atat na, eh.
So me abang factor na agad.
Magandang senyales ito para sa movie nila, in fairness.
Oh My G!
by Ogie Diaz
