MAHULAAN N’YO KAYA itong male singer na kung magbintang sa kanyang kapwa, walang katulad? Ang chikka kasi ay ganito: Pagkatapos kumain sa isang restaurant nitong male singer with his friend, bigla niyang napansin na wala na ang kanyang mga gamit. Kaya ayun… dahil dalawa lamang sila ay pinagbintangan niya ang kanyang dear friend na magnanakaw.
Imagine! Friend pa niya ‘yung pinagbintangan niya, huh! Siyempre gulat na gulat si dear friend at halos hindi mo matimpla ang kanyang reaction nang ma-realize ni male singer na naiwan lamang niya pala ito roon sa restaurant na kanilang kinainan.
Tsk, tsk, tsk! Poor male singer. Sa bagay, hindi na natin siya masisisi kaya pagbigyan na lamang at intindihin na it’s a sign of aging na rin. Ha-ha-ha! Three more years to go at senior citizen ka na. Kailangan pa ba ng clue eh, recently lang ay nagbalik-showbiz siya matapos ang ilang taong pamumuhay nang tahimik. ‘Yun na!
(Tita Swarding)
