PAGKATAPOS NA MABIKTIMA ng malisyosong mga tsismis sina Bea Alonzo, Shaina Magdayao at John Lloyd Cruz, si Maja Salvador naman ang dapat na magbigay-linaw tungkol sa isang malisyosong intriga na kalat na kalat ngayon sa showbiz, at pabulong lang munang pinag-uusapan. Ang isyu ay tumutukoy sa diumano’y may kaugnayan daw ngayon ang magandang young star sa istang tomboy na movie director, na siyempre pa’y nasa bakuran din daw ng Kapamilya network.
Nakakaawa naman ngayon si Maja, dahil kapag mahabang usapan sa showbiz ang pinagkukuwentuhan, hindi nawawalang mabanggit ang tungkol sa diumano’y bago niyang karelasyon. Kaya nga raw, hindi na nakapagtataka ngayon kung bakit sa hanay ng mga kaguwapuhang artistang lalaki sa bakuran ng ABS-CBN, wala siyang direktang maamin at mapanindigan na kanyang karelasyon, dahil ang mga iyon ay napag-uusapan lang kapag may kapareha siya para sa pagbibida niya sa mga teleserye.
Hindi pinaniniwalaan si Maja sa kanyang mga deklarasyon na kaya wala pa siyang seryosong pakikipagrelasyon sa ngayon ay dahil priority niya ang kanyang umaangat nang showbiz career. Pinagtataasan din ng kilay ng mga intrigero, na sa ganda niyang iyon ay wala siyang inaaming karelasyong lalaki sa ngayon, kahit ang dami naman niyang manliligaw. Hindi natin iniintriga si Maja. Ang sa atin lang, pagpaparating na hayan at siya na nga ang bagong kinukulapulan ng nakakagulat na tsismis.
DAPAT MAG-HOST NA lang si Charlene Gonzales ng ibang programa. Hindi kasi siya bagay maging isa sa mga katsikahan ni Kuya Boy Abunda sa The Buzz ng ABS-CBN, dahil hindi pang-tsismisang showbiz ang tipo ng wife ni Aga Muhlach. Nagmumukhang dekorasyon lang sa nasabing programa ang dating beauty queen, lalo pa’t wala siyang katorya-torya kung mag-interview ng mga bisita nilang artista. Ang tigas-tigas ng dating niya kung mag-interview, kaya kapag pinapanood mo siya ay iisipin mo na lang, na sana ay matapos kaagad ang segment niya.
Mas bonggang panoorin si Charlene kapag sumasayaw siya. Doon naman kasi siya napansin. Bagay rin siyang mag-host ng cooking show. Parang wala sa personality niya na maging tsikadora sa The Buzz, dahil hindi siya nakilala bilang celebrity na makuwento gaya nina Gretchen Barretto at Ruffa Gutierrez. Kaya nga, napagkukumpara silang dalawa ng unica hija ni Tita Annabelle Rama. Kasi nga, walang binatbat si Charlene sa istilo ng pagiging tsikadorang host ni Ruffa sa programang Paparazzi ng TV5.
Maganda lang si Charlene bilang TV host, na mala-reyna ang dating habang pinapanood mo siya dahil magaling nga siyang magbihis ng mga kasuotan. Pero sa tsikahang showbiz, lalamunin siya ng istilo ni Ruffa. Una sa lahat, ang sister ni Richard Gutierrez ay napakaraming alam na balita tungkol sa kapwa niya mga artista. Nakikipagtsikahan din siya sa napakarami niyang mga kaibigang manunulat, kaya bukod sa cute ang dating ng kanyang kataklesahan, bumagay na nga siyang maging talkshow host.
NAPAKASAGWA NAMANG PANOORIN ng Kapuso star na si Karen delos Reyes habang iniinterbyu siya sa Startalk nu’ng Saturday. Paano ba naman, bukod sa napakahaba ay wala palang kawawaan ang kanyang ikukuwento tungkol sa diumano’y relasyon nila ng rockstar na si Pepe Smith, ay nguya siya nang nguya ng chewing gum hanggang sa matapos ang interbyu sa kanya. Normal bang gawain ng isang artista ang magpainterbyu at humarap sa telebisyon nang may laman ang bibig? Dapat iniluluwa muna iyon kapag eere na ang programa, ‘noh!
ChorBA!
by Melchor Bautista
