APEKTADO SI MAJA Salvador sa nasulat na wild na siya ngayon.
May tsismis kasing lumabas sa isang broadsheet na nakita raw ang young star kasama ang male friend ng magiging asawa ni Roxanne Guinoo na si Elton Yap at nagkulong daw sila sa kotse nito.
Shock na shock si Maja sa tsismis.
“Hindi po totoo. Terible naman. Napagkamalan lang ako. Sana naman ma-clear ko ang sarili ko. ‘Yung kaming dalawa lang noong kabigan niya (Elton Yap), o kaming dalawa lang ni Elton, walang ganoon,” esplika ni Maja.
Never daw siyang nagkulong sa kotse kasama ang isang lalaki. “Kahit sa set ng taping namin lagi lang ako sa standby area o kaya kasama ko sa van ‘yung yaya ko or ‘yung pinsan ko.”
Nakikiusap si Maja na tigilan na ang pangit na tsismis tungkol sa kanya.
“Sana po, huwag namang ganoon kasi nanahimik naman po ako at ginagawa ko ‘yung trabaho ko nang maayos at wala naman po akong ginagawang masama.”
KALOKA ITONG SI Ruffa Mi. Kuwento siya nang kuwento kung kani-kanino na na-hurt siya nang agawin sa kanya ni Richard Poon ang mikropono nang mag-show sila sa isang casino recently, pero sa bandang huli ay hindi naman niya mapanindigan ang kanyang pinagkukuwento.
Nasulat namin dito na hurt na hurt si Ruffa Mi nang agawan siya ng eksena ni Richard. Bigla raw kasi nitong inagaw ang kanyang mikropono kahit na hindi pa siya tapos sa kanyang pagpapatawa. Ang sabi ng hitad, nagmamadali raw itong si Richard dahil may raket pa itong pupuntahan.
Ang say pa ni Ruffa Mi, hindi raw feel ni Richard na mag-show sa nasabing venue dahil marami raw GRO.
Noong Wednesday ay nag-text si Ruffa Mi sa isang kaibigan na binasa naman ni Jobert Sucaldito sa kanyang radio show.
“Nabasa ko ‘yung write-up. Pakisabi naman na hindi masama ang loob ko. Na-cut lang ang mic ko. ‘Di naman niya ako inagawan ng eksena. Alam kong hindi siya sanay sa mga ganoong lugar,” sabi ni Ruffa Mi sa text.
Noong una, talagang pinanindigan ni Ruffa Mi kay Jobert na talagang feeling niya ay nabastos siya. After two days ay biglang kumambyo ang hitad at itinatanggi na masama ang loob niya kay Richard Poon.
Kaloka ka, Ruffa Mi, ha?! Hindi ka marunong manindigan. Kung ayaw mong masulat, huwag kang maghabi ng kuwento na sa bandang huli ay hindi mo naman pala aaminin.
Lex Chika
by Alex Valentine Brosas
