MALAPIT NA NGANG ipalabas ang bagong pelikula ni Sam Milby at Anne Curtis na Babe I Love You. Paspasan daw ang dalawa sa pagsu-shoot ng pelikula. Sa katanuyan, hindi na nga halos nakukumpleto ang tulog ni Sam at sa taping na lang ito nagnanakaw ng idlip. Hindi naman kasi sila maiipit sa pagmamadali. Kaso lang, may scheduled na Heartthrobs concert si Sam na kailangang umalis ngayong Miyerkules na. Kaya ‘wag na kayong magtaka kung makita n’yo si Sam at medyo pumapayat na siya. Marami na ang nakapapansin sa biglang pagbagsak ng katawan ni Sam na pati sa kanyang mga mata ay kitang-kita mo ang kapaguran niya.
Binisita namin si Sam sa set ng Impostor, ang kanyang susunod na proyektong gagawin na makakasama niya si Maja Salvador. Unang araw ng taping ni Maja nu’ng bumisita kami sa set at nakagugulat na ang unang salang niya ay “kissing scene” na agad. Mag-asawa ang role nina Maja at Sam dito at nang nire-rehearse na ni Direk Jerome Pobocan ang kanilang eksena, nahihiya pa si Maja na halikan si Sam. Ang utos ng direktor sa lips, pero si Maja, tumatawad na sa cheeks na lang daw! Si Sam naman, tipong nang-aasar! Kaya sinabi ni Maja na sa take na lang niya gagawin ang paghalik sa lips.
Tinanong namin si Maja kung may ilang factor ba siyang nararamdaman sa eksenang iyon kay Sam. Ang sagot ng dalaga, wala naman. Hinalintulad niya ang kanyang sarili sa isang sasakyan na parang nag-wa-warm up pa lang kaya nagulat daw siya na ang unang sabak niya ay halik agad with Sam ang magaganap. Pero bilang aktor, ginawa niya iyon dahil sa utos na rin ng kanyang direktor.
Napaka-sexy ngayon ni Maja Salvador. Sa katanuyan, nag-pictorial pa ito sa beach kasama si Jon Avila. Napaka-sexy ni Maja at mismong si Sam ay walang tigil sa pagtingin sa mga pictures ni Maja na kuha sa DSLR na camera. Hiyang-hiya naman si Maja at sinabing, “Hindi kasi ako sanay na magsuot ng two-piece, laging naka-shorts or may nakapatong na sando or something, kaya medyo nailang ako, saka nahihiya nang konti.”
Agree naman sina Jon Avila at Sam Milby, pareho niyang kasama sa Impostor, na sexy at maganda ang katawan ngayon ni Maja. Mapapanood natin sa Impostor ang naturang shoot na iyon at may kinalaman pala iyon sa character na gagampanan ni Maja sa naturang serye. April na raw ilo-launch ang Impostor at kasama nila rin dito sina Melai at Jason ng PBB Double Up.
NAKAAALIW TALAGA ‘YUNG mga fans nina Kim at Gerald dahil naka-attend kami ng birthday party ni Gerald sa Blue Leaf Events Pavillion sa Taguig. In-organize ito ng mga fans nila Kim at Gerald here and abroad. Nakakaloka kasi sagot nila lahat iyon at walang ni isang singkong duling na inilabas sina Gerald. Bongga, huh! Sana magkaroon din ako ng ganyang mga friends! Hahaha!
Nainterview namin si Madonna Arnusch isa sa mga organizers ng party at sinabi niyang, ito ang kanilang paraan para maipakita ang kanilang pagmamahal sa kanilang idolo. Hiling nila na sana “kasal” naman daw ang susunod na i-organize nila.
Wow!
Pinoy Parazzi
