NAISIPAN NA rin ng mommy ni Carl na gumawa ng sandwiches matapos malagyan ng soft drink ang dalawang basong may yelo. “Nakakahiya naman kay Ritz, baka sabihin hindi pa natin kinumpleto ang meryenda,” sabi nito kay Arianne habang pinapatungan ng sliced cheese ang ham para sa sandwich.
“Pati naman kayo Tita,” sagot ni Arianne. “Nahiya na rin kay Ritz.”
“I’m being sarcastic.”
“Water lang naman daw ‘yung gusto n’ya, then ‘yun na lang ang ibigay natin.”
Nilagyan ng mommy ni Carl ang dalawa pang walang lamang mga baso. “Oh, ayan. Water na kung water.”
“Ako na lang po ang maglalabas.”
“We have to finish the sandwiches.”
“Akala ko po ba water na lang?”
“Again, I was just being sarcastic.”
Tumahimik si Arianne at ibinaling ang atensyon sa ginagawang sandwich. Patapos na sana s’ya nu’ng maramdaman n’ya ang paghawak sa kanyang kamay ng mommy ni Carl.
“You don’t like her, do you?” sabi ng mommy ni Carl.
“Ngayon ko lang po s’ya na-meet. Lagi lang s’yang ikinukuwento ni Carl. Base sa mga kuwento n’ya, tingin ko po, parang ang demanding n’ya kay Carl.”
“‘Yun naman kasing anak ko, parang uto-uto.”
“Saka feeling ko po, parang may pagka-bitch ‘yang si Ritz e.”
“Bitch?” halos nahihintakutang sabi ng mommy ni Carl.
Natawa si Arianne. “Tita, hindi ‘yung bitch na morally challenged. Not that kind of bitch.”
“May iba pa bang klase ng bitch bukod do’n sa wala nang moralidad at basta-basta na lang pumapatol sa kung sino-sino?”
“That’s the old kind of bitch,” panimula ni Arianne. “Now, bitch na rin ‘yung mga babaeng masasama ang ugali. ‘Yung mga mahilig mang-away. Mahilig mang-bully. Parang laging galit. Sala sa lamig, sala sa init.”
“Ah, maldita,” sabi ng mommy ni Carl.
“Ayun na nga po, maldita.”
“So may pagka-maldita pala ‘yang si Ritz. Wala sa hitsura. Mukhang mabait. Smart. Madaling makagaangan ng loob.”
“Looks can be deceiving, Tita.”
Bumalik ang mommy ni Carl sa paggawa ng sandwich. “Kung sabagay, sabi ng iba, I look mataray. But I’m not mataray, ‘di ba? Must be my hair.”
Muling natawa si Arianne. “Taas daw ng pagkaka-tiss n’yo sa hair n’yo.”
Natawa rin ang mommy ni Carl. “Old school fashion. Kaya may tinatawag na matrona look.”
“Tita, you look young to be called matron.”
“Sabi na nga ba, you’re the daughter I should have had.”
“Not by blood, but by choice.”
“If only you’ll marry Carl. Then, wala nang problema.”
Muling natahimik si Arianne. Natahimik din ang mommy ni Carl. Maya-maya pa’y naitanong na rin ng mommy ni Carl ang matagal na n’yang nais itanong kay Arianne. “Don’t you like Carl?”
Ilang saglit muna ang lumipas bago nagsalita si Arianne. “Like as in do I like him as a person? Of course I do. He’s a very good friend.”
“Like. Like as a boyfriend.”
“Tita naman.”
“Seriously.”
“Friends na kami ni Carl, college pa lang.”
“You’re not answering my question.”
“Feels like we’ve been close na for a life time.”
“Still, you’re not answering my question.”
“Tita naman e, kaya kayo napagkakamalang mataray.”
Ngumiti ang mommy ni Carl. “Sabi nga, ‘pag ine-evade daw ng babae ang question, ibig sabihin, ang sagot ay ‘yes.’”
Nginitian ni Arianne ang mommy ni Carl. “Tita, nag-iba na ang panahon. ‘Pag gusto ng babae, diretsahan na n’yang sinasabi.”
“So you’re saying, you don’t like Carl. As a boyfriend.”
“I did not say that.”
“So you’re saying that you like him to be your boyfriend,” may himig panunuksong sabi ng mommy ni Carl.
“Tita, hindi po talaga manalo sa inyo.”
“If I can just have it my way, matagal na kitang naging daughter in law.”
“E, wala naman po sa inyo ‘yon.”
“Precisely. Baka kailangang malaman ni Carl that you also like him. Alam mo naman, after ng series of bad relationships n’ya, mukhang naging segurista na ang anak ko e.”
“E, baka naman po kasi, friend din lang ang tingin n’ya sa akin.”
“Kasi nga hindi n’ya alam na may pag-asa s’ya sa ‘yo.”
Bahagyang tumulis ang mga labi ni Arianne. Ilang saglit n’yang tiningnan ang mommy ni Carl. “Tita,” simula n’ya. “We’re making meryenda for him and Ritz. It’s Ritz, Tita. Carl really likes her. Or siguro, mahal na nga rin n’ya, e.”
“But I like you more.”
“Si Carl po ang magde-decide,” nakangiting sabi ni Arianne. Maya-maya pa’y sumeryoso ang kanyang mukha. “And siguro nga po, better na ‘yung sila ni Ritz ang magkatuluyan. At least, he really likes her. And I know with her, unlike with me, hindi s’ya masasaktan.”
(Itutuloy)
