MALDITA PALA TALAGA, bitchy to the highest degree, ang aktres na ito. Kasama pa niya ang isang aktres na nagpu-promote ng isang product, and they were about to go somewhere on a tour. Kaya lang, ayon sa aming spy, late na raw dumating ang dalawang aktres na ito sa airport.
Ang isang aktres ay relaxed lang, simpleng tinawagan ang kanyang kuneksiyon sa isang pulitiko, and presto, kahit ipinagbabawal ng airline ang pabalikin ang plane para lang sa late passengers, nagawan ito ng paraan!
Pagpasok daw ng plane na pinabalik para lang sa dalawang primadonnang passengers, tinarayan ng malditang aktres ang head steward. Ask niya rito kung ilang taon na itong nagtatrabaho sa nabanggit na airlines. Sey ng flight attendant, “Twenty five years in service!” Sey ng malditang aktres, “Count twenty-five hours and you’re out of your job!”
Ang taray!
Dahil lang ito sa hindi sila basta pinayagan na makapasok ng plane dahil late sila, at ginawan lang ng paraan ng isang aktres na tahimik na humanap ng kanyang kuneksiyon.
Anyway, hindi lang doon natapos ang pag-iinarte ng malditang aktres. Pagdating sa loob, reklamo-to-death ito sa isang flight attendant doon na super-sikip ng kinauupuan niya, hindi siya kumportable.
Resbak time para sa steward, ang sey nito, “Why didn’t you book for a business class accomodation? Hindi talaga comfortable sa economy class!”
Nakakalokah! Minalditahan ang malditang aktres, a dose of her own medicine! Para makaganti, ang malditang aktres ay utos nang utos ng kung anu-ano. Hingi ng tubig. Pagbigay ng tubig, hingi ng ice. Utos uli na bigyan siya ng food, etc. Kumbaga, binubuwisit ang flight attendants, na lihim lang naman siyang tinatawanan dahil obvious na naimbiyerna siya dahil namalditahan siya.
Anyway, signs of insecurities na rin siguro ito. Hindi na kasi masyadong mabango ang aktres na ito at wala na kaming proyektong nababalitaang uumpisahan niya.
Well…
by Archie de Calma
