HOW TRUE NA nakikitang magkasama ngayon sa US sina Manny Pacquiao at Krista Ranillo?
Madalas daw na ma-sight ang dalawa na magkasama pero hindi lang naman daw sila ang magka-join dahil may iba pa silang mga kasama. Marami raw Pinoy na kababayan natin ang nakakita na sa dalawa habang nagdi-dinner.
At totoo ba ang tsika na noong araw na dumating si Krista sa US ay humingi raw si Manny ng day-off sa kanyang coach na si Freddie Roach? That very same day raw ay nagkita ang dalawa.
True ba itetch, Manny and Krista?
Anyway, kung ganitong pati sa US ay patuloy pa ring napagkikita ang dalawa na magkasama, hindi nga titigil ang tsismis sa kanila.
I’m sure, ‘pag nabalitaan ito ni Jinkee Pacquiao ay susugod na ito papuntang US.
Humanga kami sa ipinakitang coolness ni John Lloyd Cruz nang patagilid siyang tanungin tungkol sa issue na madalas siyang uminom ng alak. We didn’t know that he was that articulate. Ang galing niyang sumagot sa intrigang tanong.
“Tao rin kami. Kahit na artista kami and nagiging successful, hindi naiiwasan na makagawa ka ng bagay na hindi nakakatuwaan ng ibang tao lalung-lalo ng pamilya mo, ng magulang mo. Doon sa mga bagay na nangyari na, minsan hindi mo maipagmamalaki o hindi mo kayang ipagmalaki ang sarili mo dahil medyo sumadsad ka roon. Ang maganda kasi roon is that alam mo na meron kang pagkakataon, ‘yung sinasabi nila na how you rise above it. Mas masarap mag-focus doon dahil pagkatapos mong matuto, ‘yung maibibigay mo sa kapwa mo, maibibigay mo sa sarili mo, ‘yun ang magma-matter kaysa sa past mo,”paliwanag niya.
Ang isa pang indirect na tanong ay kung may nami-miss siya na isang taong close sa kanyang heart.
Noong una, nagpaka-showbiz ang aktor sa kanyang sagot.
“Nami-miss ko ang mommy ko, friends ko. Marami akong mga kaibigan na matagal ko nang hindi nakikita all over the world. Kahit hindi kaibigan, kahit kuya ko. The last time na nakasama ko siya, about a year ago pa,” sabi ng aktor.
Pero later on, tinumbok na rin niya ang kanyang sagot although hindi naman niya pinangalanan ang taong naging malapit sa kanyang puso. Aware kasi siya na iyon naman talaga ang gustong tanungin sa kanya, hindi lang madiretso nang nagtanong.
“Of course, you miss the good times. Nami-miss mo ‘yung mga araw na nagkasama kayo. Alam ko naman kung sino ang sinasabi mo. We’re still in communication. We’re still good friends. I can’t say I miss her like crazy kasi nagkakausap kami,” esplika ni Lloydie.
Generous palang kaibigan itong si Jolo Revilla.
We heard na binigyan n’ya ng mamahaling bag ang Agimat leading lady niyang si Melissa Ricks.
Isa raw Chanel bag ang iniregalo ni Jolo sa dalaga kamakailan lang. Ito ay bilang friendly gesture sa kanyang leading lady, no more, no less.
Siyempre, super happy naman si Melissa dahil hindi niya akalaing ganoon ka-generous ang binata. Talagang na-surprise siya nang matanggap ang regalo.
No, hindi naman nanliligaw si Jolo kay Melissa. Talagang friendly lang siya sa dalaga.
Anyway, kilala naman sa pagiging galante itong si Jolo. A few months back, hindi ba’t nabalita na niregaluhan niya ng kotse ang ex-girlfriend niyang si Lovi Poe? At nabalita rin na ipinag-shopping niya ang dalaga ng worth P200,000.
Lex Chika
by Alex Valentine Brosas
