Mas gugustuhin na lang daw ni Pambansang Kamao Manny Pacquiao na mag-pulitika ang kanyang mga anak na lalaki, kaysa naman sundan ng mga ito ang kanyang yapak na maging isang boksingero.
Susuportahan daw nito kung ano man ang maging gustong propesyon ng kanyang mga anak, basta ‘wag lang ang pagiging boksingero.
Tsika nga ng Pambansang Kamao, “Susuportahan namin kung ano man ang gusto nilang propesyon, pero ‘wag lang ang pagbo-boksingero. Mahirap ‘yun.”
Dagdag pa nito, “Mas okey kung public servant.”
At ngayon nga, pinasok na ng isa nitong anak na lalaki ang pagmo-modelo at ‘di naman malabong subukan din nito ang pagsi-showbiz na hinihintay ng maraming humahanga sa kakisigan ng anak ng mahusay na boksingero.
John’s Point
by John Fontanilla
