MINSAN AY mapagbiro ang tadhana pagdating sa pag-ibig. People have long accepted that love works in mysterious ways. Maging ang mga artista ay walang kawala sa makapangyarihang pana ni Kupido. Masarap at nakakakilig makinig ng mga kuwentong pag-ibig, pero hindi rin natin naiiwasan na malungkot at manghinayang kapag may mga kuwento ng pagmamahalan na nauuwi sa hiwalayan. At may mga pagkakataon pa ngang konek-konek ang mga showbiz couples in reel and real life tulad ng mga sumusunod:
Marami ang nagulat nang pumutok ang balitang naghiwalay na sina Derek Ramsay at Angelica Panganiban. They have been together for six years. They were considered one of the most enduring pairs in showbiz because they remained steadfast in their relationship despite a dizzying roller coaster ride. Inamin ni Derek na nasa cool-off stage sila ngayon ni Angelica at pareho nilang desisyon na bigyan muna ng space ang isa’t isa. Pero umaasa pa rin siya na maaayos ang anumang gusot sa pagitan nilang dalawa. There were rumors that a third party was involved at ang itinuturong dahilan ay sina Sam Pinto at John Lloyd Cruz na leading man ni Angelica sa pelikulang What I Did For Love. Iginiit ni Derek sa kanyang mga tweets na walang kinalaman ang dalawa sa problema nila ni Angelica.
Incidentally, kumpirmadong hiwalay na sina John Lloyd Cruz at Shaina Magdayao. Sa halos dalawang taon nilang relasyon ay ilang ulit na silang napabalitang nag-break. October last year nang una nilang tinuldukan ang kanilang pagsasama pero muli silang nagkabalikan matapos ang ilang buwan. But this time ay isang statement na ang inilabas ni Shaina to confirm their break-up. We quote, “To end all speculations, I confirm that John Lloyd and I have agreed to end our relationship. The reason is purely between John Lloyd and myself. I most humbly request everyone to allow us to move on with our respective lives with mutual respect and dignity.”
Samantala, maging ang isa sa mga onscreen partners ni Lloydie na si Bea Alonzo ay iniintrigang break na rin daw kay Zanjoe Marudo. The couple recently celebrated their first anniversary kasabay ng kanilang Star Magic tour sa US. Zanjoe vehemently denied the rumor that they have separated. “Hindi kami maghihiwalay. Maganda, maayos, mas namumulaklak [ang aming relasyon].”
Ang leading lady naman ni Zanjoe sa Precious Hearts Romances: Kristine na si Cristine Reyes ay napabalita ring tinapos na ang relasyon kay Rayver Cruz. Ayon sa mga balita, madalas nagtatalo ang dalawa na naging dahilan ng kanilang hiwalayan. Tumindi pa ang espekulasyon nang magbakasyon sa Boracay si Cristine na hindi kasama si Rayver. Pero giit ni Rayver, “Sobrang okay kami ni AA. Walang nagbago. Hindi ko alam [kung] saan nanggaling iyong balita.”
At tingnan mo nga naman ang pagkakataon, hindi ba’t leading man ni Cristine sa blockbuster movie na No Other Woman si Derek na una na nating naisulat na may pinagdaraanan sa kanyang lovelife?
Kaibigan, usap tayo muli!
Points of Boy
by Boy Abunda
