GUSTO KO SANANG kiligin sa lantarang pag-amin nina Korina Sanchez at Sen. Mar Roxas na ‘oo, sila na nga.’ With matching tears pa from the senator at pagpunas ng luha niya ni Korina. Tagahanga kasi ako ng matapang na broadcaster.
Mula ulo hanggang paa, bow ako sa kanya kapag pinapanood sa TV at bumibira ng mga salaulang pulitiko.
But watching them on Wowowee, lalo’t kumakain ako ng tanghalian, nakaramdam ang inyong lingkod ng lungkot. Pati pagkain, hindi ko na itinuloy. Ang naramdaman ko ay isinaboses ng sangkatutak na kaibigan na tumawag sa atin.
Masagwa raw ang ginawa nila on TV. Parang hindi sila sina Korina at Sen. Mar. “Ano ba ang akala nila sa sarili, sina Kim Chui at Gerald Anderson?”
And I agree!
Pagmumurang-kamyas din ang eksena nina Ms. Gloria Romero at Eddie Garcia sa indie movie na Fuschia na ipinalabas na sa Teatrino noong Biyernes.
Hinahabol-habol ni Eddie at kinukurot-kurot sa puwet ang dating Reyna ng Pelikulang Pilipino. Pero, hindi nandiri sa kanila ang manonood. Pinalakpakan pa sila sa halip na laitin.
Pelikula kasi iyon. Umarte lang sila. At magagaling silang artista.
Iyon ang malaking kaibahan nina Korina at Sen.Mar. Totoong buhay kasi ang ipinakita nila sa buong mundo, ‘ika nga ni Willie Revillame. Magiging First Lady pa naman si Korina at Presidente ng ‘Pinas si Mar kung saka-sakali. Sa edad nilang iyon?
Masagwa nga!
Panoorin ang segment ng Wowowee dito:
by Chit Ramos
