HINDI PA RIN pala siguradong makasasama si Dingdong Dantes sa pagpunta ni Marian Rivera sa Spain para i-meet ang ama ng dalaga roon.
“Hindi pa sigurado kasi ‘yung visa, medyo namemeligro pa. But I’m hoping… Malalaman ko kasi kung mare-release or hindi on the day itself na pag-alis ko ng Dubai,” lahad ni Dingdong.
Guests din kasi sila ni Marian sa Dubai concert nina Regine Velasquez at Ogie Alcasid next week.
Wala namang problema sa visa ni Marian dahil meron itong Spanish passport. ‘Eto na, say ni Dong, kung sakaling hindi ma-release agad ang visa niya, eh, hindi na rin daw tutuloy si Marian sa Spain dahil wala siya. Talbog!
Ang iniisip tuloy ng marami, hihingin na nga nito ang kamay ng aktres sa daddy nito sa Spain?
“Hindi, hindi…” pagtutuwid ni Dingdong. “’Eto na lang, kung sakali man, madali namang bumalik du’n. May visa na, e. At saka alam ko, ang visa, yearly yata, e. So, kung mag-e-expire, eh ‘di magre-renew ulit.”
ILANG BABAE ANG nali-link recently kay Jake Cuenca and hindi naman imposible ‘yun dahil charming at lovable naman talaga ang Kapamilya hunk na ito, and isa sa mga nasubaybayan din namin ang career, at hindi pa rin nagbabago sa pakikitungo sa kanyang showbiz press friends.
Nandiyan sina Bea Alonzo, si Roxanne Guinoo na dating karelasyon niya, at si Melissa Ricks na napapabalitang pinakaespesyal na babae ngayon sa buhay niya. Dahil kahit si Melissa mismo – sa presscon ng Paano Na Kaya? ng Star Cinema – ay aminadong nililigawan siya ni Jake.
“Ibang-iba silang tatlo, e… Si Roxanne ang tipo ng babae na ‘pag nagmahal, talagang ano, buhos lahat, buhos lahat. Basta si Roxanne grabeng magmahal…
“Si Bea naman, isa siyang babae na role model. Kumbaga sa mga ibang tao na tulad ko, isa siyang dream girl, isa siyang taong titingalain mo.
“Si Melissa naman ang isang babae na espesyal na nag-iisa. Kumbaga hindi ka makakahanap ng ganu’ng klase ng babae.”
Mellow Thoughts
by Mell Navarro
