TALAGA NGA YATANG super-iwas na itong si Marian Rivera sa press ngayon.
Kasi ba naman, halata raw na iniiwasan ng dalaga ang mga manunulat na paminsan-minsan ay pumapasyal sa taping ng Show Me Da Manny. Kung anu-ano raw ang ginagawa nito huwag lamang siyang mainterbyu.
Hindi raw type ni Marianita na makaulayaw ang mga manunulat kaya naman kung anu-anong drama raw nito. Nariyang magmadali ito sa pagpasok sa kanyang dressing room para magkulong na lang doon at hintayin ang kanyang susunod na eksena. Madalas naman daw, during break ay super-telebabad sila sa cellphone ng kanyang dyowang si Dingdong Dantes.
May ganoon daw na drama si Marianita ngayon.
If this is true, masyado na pala talagang feeling superstar itong si Marian ngayon. Dapat ay magpasalamat siya dahil pinag-aaksayahan siya ng panahong interbyuhin ng mga reporter. Ano ang gusto niyang mangyari, dumating ang point na wala nang gustong makapanayam siya? Mas maganda nga na magpainterbyu siya nang sa ganoon ay masagot niya ang mga hindi magagandang issue sa kanya.
Lately ay natsismis na nakipagbangayan daw si Marian sa kanyang manager na si Popoy Caritativo. Ang gusto raw kasing mangyari ni Popoy ay gandahan ni Marian ang kanyang working relationship at huwag na siyang magmaldita. Kailangan daw, magkaroon ng kahit na konting PR ang dalaga. Hindi raw ito nagustuhan ni Marian kaya nagtalakan daw ang dalawa.
True ba ititch?
NAGSALITA NA RIN si Rambo Nuñez, ang guy na nali-link ngayon kay Maja Salvador.
“Halata naman na gusto ko ang mga qualities niya,” pag-amin ni Rambo.
Sabi naman ni Maja, gusto rin niya ang ilang qualities ng binata.
“Marunong kasi siyang makisama. Iyon naman ang importante sa akin, ‘yung may sense kausap. Alam niyang pakisamahan ang family o kung sino ang kasama mo,” say ni Maja.
“We’re getting there. Close naman kami. Basta okay naman ang closeness namin,” ang sabi ni Rambo nang matanong kung girlfriend na niya ang dalaga.
Si Maja rin, ayaw pang kumpirmahin kung dyowa na niya si Rambo.
“Tingnan na lang natin kung ano ang susunod na mangyayari,” say ng dalaga.
BLIND ITEM: MAY date dapat ang isang female TV host at ang kanyang dyowang aktor. Minsan lang silang mag-date kaya naman looking forward ang female TV host. All set na sana ang kanilang date kaya lang ay bigla raw nagkasakit ang kanyang dyowa.
Siyempre, worried ang TV host kaya sugod ito sa bahay ng kanyang dyowa.
But to her surprise, wala naman palang sakit ang kanyang dyowa. In fact, super-chika ito sa bisita niya noong araw na iyon na isang aktor rin. Siyempre, naloka ang female TV host. Nag-init ang kanyang ulo sa kasinungalingan ng kanyang dyowa.
At hindi nakatiis ang TV host at kinompronta niya ang aktor. Tinanong niya kung may relasyon silang dalawa. Siyempre, super-deny ang aktor at maging ang dyowa niya.
May kakaibang friendship yatang namamagitan between the TV host’s boyfriend and the actor.
Lex Chika
by Alex Valentine Brosas
