PAGKATAPOS PAG-USAPAN ITONG maagang pagbubuntis ni Andi Eigenmann, itong kaso naman ngayon ni Maricel Soriano ang paboritong usap-usapan ng mga mahihilig sa mga showbiz tsismis, ha!
Kinumpirma na nga ng Startalk sa barangay headquarters sa Makati na nagreklamo ang dalawa niyang kasambahay ng pambubugbog at ‘di raw nasusuwelduhan ang mga ito. Bukod pa riyan, kinumpirma rin nu’ng nagreklamong kasambahay na nalululong daw ito sa droga.
Matagal ko nang naririnig iyan sa mga reporter. Me-rong nagba-blind item, merong talagang tsinitsismis nila. Pero hindi ko naman sineseryoso ,dahil parang a-yoko namang maniwalang aabot na sa ganu’n si Maria.
Dati naman wala akong naririnig na ganu’n ang trato niya sa mga kasambahay kaya medyo duda pa ako riyan. Pero itong sa isyung drugs, matagal na iyang napapabalita at wala ka namang naririnig na pagdi-deny mula kay Maria pati sa mga taong malapit sa kanya. Kaya baka nga may bahid ng katotohanan.
Huling kita ko lang kay Maricel nu’ng nag-guest ito sa Party Pilipinas na nag-surprise kay Geleen Eugenio. Dinig ko nu’n, ‘di ‘yun dumaan sa manager niyang si Malou Fagar na matagal na rin palang hindi sila nag-uusap.
So, may problema talaga si Maricel na pati ang mga taong malapit sa kanya ay nakakatampuhan na nito.
Nu’ng ginawa nga ng Startalk ang isyung ito, si Malou ang kinukulit nila at ayaw niyang mag-comment dahil hindi na nga raw niya ito nakakausap.
Ano talaga ang problema ni Maria, bakit siya umabot sa ganu’n? May kinalaman kaya ito sa career niya?
Hindi naman siya masasabing laos na dahil ang dami pa niyang endorsement at ang lakas pa nga niya sa mga advertising agency, dahil isa siya sa pinaka-credible na endorser sa hanay ng mga celebrity moms.
Sana makinig na ito ngayon sa mga taong nagmamalasakit sa kanya dahil makakabalik pa naman siya at tiyak na marami pa ang magkakainteres sa kanya.
Hay naku! Dito sa showbiz, kapag hindi mo talaga ma-handle nang mabuti ang career mo, madaling mawala sa ‘yo.
SA MIYERKULES NA pala magbubukas ang Temptation Island, at sa ingay nito, tiyak namang maging curious dito ang mga tao at panonoorin. Kesehodang kalakasan pa rin ng Transformers 3, may crowd pa rin ito.
Sana nga masakyan ng mga tao ang mga kabaklaan nila rito, dahil kakaibang comedy ito na version na ni Chris Martinez.
Talagang enjoy na enjoy pa rin si Heart Evangelista sa bakasyon niya sa Brazil, kaya wala siya rito para mapasama sana sa promo ng pelikula.
Sana huwag naman siyang tumaba pagbalik dito dahil kuwento sa akin ng mga bakla, base sa mga pinu-post nito sa Twitter account niya, parang wala siyang ginawa du’n kundi kain lang nang kain.
Sana nga pagbalik niya rin dito, maayos na ang kung anong gap nila ni Marian. Good luck na lang!
MAMAYA NA RIN pala magsisimula ang Futbolilits bago mag-24 Oras na pagbibidahan nina Raymart Santiagao at Jennylyn Mercado, kasama sina Paolo Contis, Benjie Paras at tampok dito ang batang bida na si Yogo Singh.
Base sa plug nito, parang maganda at interesting dahil nahihilig tayo ngayon sa Football gawa nang kasikatan ng Azkals, kaya mukhang bagong kagigiliwan na naman ito ng mga manonood.
Abangan n’yo ‘yan mamaya!
Mga Mata ni Lolita
by Lolit Solis
