CONFIRMED! YES, HINDI na nga mapapanood sa darating na Linggo ang hunk singer na si Mark Bautista sa ASAP XV. Last week nga ay blind item namin itong si Mark dito sa aming column. At ‘eto na nga ang totoo, nag-ober da bakod na nga siya sa GMA-7 at tuluyan na ngang iiwan ang kanyang dalawang kasamahan sa Viva management na sina Sarah Geronimo at Rachelle Ann Go.
Matunog ang balita na bongga raw ang TF ngayon ni Mark kung iku-compare sa ASAP na suweldo niya.
Kaya naman hindi puwedeng dedmahin na lamang ng kanyang manager.
Ang isa pa raw na dahilan kung bakit nagdesisyon sina Mark na lumipat ay dahil sa dalawang beses lang sa isang buwan ang exposure ni Mark.
Sa bagong show na Party Pilipinas, bongga nga raw ang kanyang exposure at every week ay mapapanood na siya ng kanyang mga fans.
Kung gano’n, hindi malayong dumating ang araw na lumipat din sina Sarah at Rachelle. Alam mo naman ang showbiz, sa isang saglit may mangyayari.
E, ‘di nga ba nu’ng una ay sa TV5 ang balitang paglipat ni Mark? E, mas bongga ang offer ng GMA-7 kung kaya naman hindi na sila tumanggi. Win ang GMA-7 over TV5 kay Mark.
‘Yun na!
BLIND ITEM: NAGTATAKA ANG ISANG very reliable source sa kanyang nakita nu’ng minsang magpunta siya sa isang sosyal na mall d’yan sa may Quezon City.
Nakita lang naman daw niya ang isang kilalang male diretor na lumabas ng isang sinehan na may kasamang guwapong bagets na may katangkaran.
Iba nga raw ang naramdaman ng aming source nang gabing ‘yon. At kung bakit may bagets na kasama ang male director, biglang may kumuwestiyun sa kanyang isipan sa kasarian ng director.
At feeling nga niya ay nananaginip siya sa nakita. Mas madalas daw kasing babae ang kasama nito, pero bakit nu’ng oras na ‘yun, lalaki na tipong model ang kasama.
Well, naku! Sana naman hindi totoo ang nasagap naming tsika, baka kasi ma-turn off na sa kanya ang kanyang mga fans.
Mahusay pa naman siya. ‘Yun na!
MUKHANG NAGKATOTOO ANG tsikang may nakaumang nang korona para kay Krista Arrieta Kleiner aka Krissa Mae Arrieta na artista ng GMA-7. Noong Sabado nga ay nanalo siyang Bb. Pilipinas-International at siya ‘yung candidate no. 1.
Pero sa napnood namin, mukhang lumaban naman siya at talagang deserving naman niya ang kanyang titulo. Nanalo nga rin siyang Best in Swimsuit. Kay may ‘K’ naman siyang mag-win.
Pagtatanggol nga ng kanyang kampo, “Sabihin na nila ang lahat, basta dapat irespeto ang mga judges, at matalino na, maganda pa ang alaga namin,” sey pa nila.
Marami rin ang nalokah nang tawagin ang nanalong Bb. Pilipinas-World, siya lang naman ang sumagot ng Tagalog sa question and answer. Pero siya pa rin ang nanalo.
Ang tanong, naintindihan kaya ng mga hurado ang kanyang isinagot?
Naku sabihin na nilang lahat, luto man o hindi, si candidate number 21 Czarina Catherine Gatbonton ang title holder.
‘Yun na!
by Fernan de Guzman
Fer ‘Yan Ha?!
