NAKAUSAP NAMIN si Maxene Magalona dahil nga may bago siyang project sa GMA-7 na Mga Basang Sisiw, kung saan gaganap siyang kontrabida. Bagong challenge sa kanyang career. At ayon nga sa kanya ay ibang kontrabida ang kanyang gagampanan. Kumbaga, may dahilan ang kanyang pagiging mataray sa said project.
Happy siya dahil nga tuluy-tuloy ang kanyang work. Nilinaw din niya sa amin ang tungkol sa isyung nag-away sila ni Bella Padilla. Hindi nga raw totoo. Hindi man sila magkaibigan ni Bela, pero ‘di naman sila magkaaway. Hindi nga raw niya alam kung saan nanggagaling ang isyu na nagpang-abot sila ni Bela.
Loveless na naman siya ngayon, daghil nga hiwalay na sila ng anak nina Lorna Tolentino at nasirang Rudy Fernandez na si Renz Fernandez.
“Naghiwalay kami na gusto na namin pareho. Okey naman kami, magkaibigan pa rin. Hindi kami ‘yung nag-iiwasan kapag nagkikita. Sabi nga ni Tita Lorna, maganda naman ang nangyari sa amin. Ang mahirap eh, ‘yung makawala ka sa family,” sey ni Maxene.
Hindi pa rin okey si Maxene na maging cover girl ng men’s magazine. Pero hindi naman daw niya isinasara ang door tungkol dito.
‘Yu na !
NANG MAKATSIKA namin ang bandang 6 Cycle Mind at Callalily, nakita namin ang kakaiba ‘ika nga sa mga solo singer natin. Humarap sila na media na naka-shades silang lahat. At halos meron silang tattoo. Ang dahilan nila ay palaging inuumaga sa kanilang mga gigs.
Ang mga vocalists na sina Kean Cipriano at Tutti Caringal ang naging spokesperson ng araw na ‘yun para sa kanilang mga kagrupo.
Very close ang said group dahil nga meron silang concert sa Music Museum sa darating na June 7, 8pm.
Nilinaw ni Kean na hindi niya kinuhang guest si Vice Ganda sa kanilang show.
“Sabi lang niya (Vice) ‘pag hindi siya busy at wala siyang gagawin, manonood siya,” sey ni Kean.
At ayon pa kay Kean, si Vice ang isa sa mga kaibigan niyang matalik sa showbiz.
MAGANDA ANG ratings ng programang Dugong Buhay kung kaya naman masayang-masaya ang isa sa mga bida na si Arjo Atayde.
Maganada ang review ng public sa project na panghapon na ‘yon dahil nga may chemistry ang mga bida like Ejay Falcon.
Kapansin-pansin din ang kanilang leading lady na si Yam Concepcion.
Iniintriga nga ang dalawang lalaking binata na sina Ejay at Arjo kung sino ang nanliligaw sa kanilang dalawa kay Yam?
Sabi ni Arjo, hindi naman daw nanliligaw si Ejay kay Yam. Friends lang daw sila. Pero nabanggit ni Arjo na minsan ay nanood sila ni Yam ng sine sa Promenade, Greenhills.
So, anong ibig sabihin nu’n?
Eh, ‘di ba si Ejay ay may Emoress naman siya?
So, walang hassle, ‘di ba?
BLIND ITEM: Sino itong female singer na marami ang nakakaaway na production people sa mga project na nakakasama siya? Pati ang mga artistang nakakagrupo niya ay nakakasagutan din niya.
May attitude nga daw ang hitad. Basta may mga kaapelyido siyang mga character actress.
‘Yun na!
by Fernan de Guzman
Fer ‘Yan Ha?!
