USUNG-USO PA RIN hanggang dekada ‘90 ang mga hubarang pelikula kung saan tumatak ang mga lalaking sexy stars tulad nina Gardo Versoza, Isko Moreno at Jay Manalo. Sino ba ang makakalimot sa mga katakam-takam nilang katawan na nakakapang-akit sa sinumang makapanood ng kanilang mga pelikula. Si Papa Gardo ay nakilala sa tawag na Asia’s Sexiest Man. Ang Sabik sa Halik, Machete 2, Halimuyak ng Babae at Kirot ang ilan sa mga mapangahas niyang sexy films. Si Papa Isko ay nagpakita rin ng laman sa mga pelikulang Exploitation, Siya’y Nagdadalaga, Mga Babae sa Isla Azul at Misteryosa. Papahuli ba sa kanila si Papa Jay na isa nang award winning actor? Nagpasexy at nagpasilip ng bukol ang lolo n’yo sa Gayuma, Sakit sa Katawan, Bawal na Halik at ang Totoy Mola na pinaka-popular sa lahat at talagang pinag-usapan. Noon‘yun! Pero ngayon, ibang daan na ang tinatahak ng tatlong Adan na ‘to. Ang dalawa’y patuloy pa ring hinuhulma bilang magagaling na artista at ang isa eh, nakikipagsapalaran sa daigdig ng pulitika. Narito ang mga nakalap naming litrato ng ating tatlong bida at inyong pagnilay-nilayan kung gaano KALAKI… ang kanilang ipinagbago hane?
Photos by Mark Atienza & Fernan Sucalit
By MK Caguingin
Clickadora
Pinoy Parazzi News Service
