NANGANAK NA SI Juday! Ito ang magandang balita ngayon sa apat na sulok ng showbiz after Judy Ann Santos gave birth via normal delivery to a healthy baby boy last October 7 (5:51pm) at the Asian Hospital.
Ryan Agoncillo and Juday named their newborn son Juan Luis (Lucho ang kanyang palayaw). “It’s Juan Luis. ‘Yung Luis, pangalan ng father ni Ryan at ‘yung Juan kay Yohan kasi Joana siya. Tinagalog lang,” paliwanag ni Mommy Carol na super excited sa kanyang bagong apo.
Nagsimulang magkaroon ng labor pains si Juday ng 11 a.m. and she gave birth ng 5:51 p.m. Nagpasalamat si Mommy Carol sa lahat ng mga nagdasal for Juday’s safe delivery. “Thank you so much. She did not have a hard time. Thank you so much sa mga prayers ng maraming tao.”
The Buzz was able to have a live phone interview with Juday. Nagkuwento siya tungkol sa kanyang experience while giving birth. “Amazing iyong pakiramdam. The whole time parang lasing lang kami ni Ryan kasi tawa kami nang tawa sa loob ng delivey room.” Relaxed daw sila ni Ryan although he was a bit nervous kaya dinadaan niya sa jokes para hindi mahirapang manganak si Juday. It was definitely a wonderful and unforgettable experience for Ryan who cut the umbilical cord of Baby Lucho.
Ninanamnam ng mag-asawa ang mga sandaling kapiling ang kanilang bagong baby. Mukhang matatagalan pa bago muling sumabak sa harap ng kamera si Juday because she wants to be a hands-on mom to her kids. At naiintindihan natin ito.
Tingnan mo nga naman at ang bilis talaga ng panahon. Dalawang dekada nang namamayagpag sa industriya si Juday. Kung dati ay siya ang batang si Mara na nagpaluha sa libu-libong manonood ng Mara Clara, ngayon naman ay isa na siyang proud mommy sa kanyang two kids na sina Yohan at Lucho. Pero kung tayo ay nakikiluha kasama ng kanyang mga karakter sa series at pelikula, tayo naman ay nakikisaya kasama niya sa totoong buhay dahil sa magandang takbo ng kanyang buhay pag-ibig at pamilya.
Gaya ng madalas kong sinasabi, babies are always lucky. Sana ay mas tumibay pa ang pagmamahalan nina Juday at Ryan sa pagdating ni Baby Lucho.
Congratulations, Juday and Ryan!
Kaibigan, usap tayo muli!
Points of Boy
by Boy Abunda
