ITINANGGI NI COCO Martin ang blind item sa kanya na nag-walkout siya sa taping ng Minsan Lang Kita Iibigin.
“Hindi ko naman gagawin ‘yun. Ano naman ang karapatan ko para gawin ang bagay na ‘yun?” esplika ni Coco.
Pero may isang araw na talagang napilitan daw siyang iwan ang taping dahil sa sobrang sama ng pakiramdam. “Nasa Tanay, Rizal kami at dahil bad weather noon at malakas ang ulan, naaambunan kami at sumama ang pakiramdam ko. Nagpaalam ako sa kanila na hindi ko na talaga kaya,” paliwanag ng aktor.
Paliwanag naman ni Biboy Arboleda na manager ni Coco, miscommunication lang ang nangyari. “Nu’ng araw na ‘yun, masama ang pakiramdam ni Coco. Nag-aantay sila na tumila ang ulan, then saka sila magre-resume. Antay sila, then resume. Siyempre, napapagod hindi lang ang artista kung hindi pati rin ang staff.
“Ang cut-off ni Coco was at 5 am. Hindi nagkaintindihan ang staff na ‘pag 5 a.m., Coco has to step out of the set kasi masama na ang pakiramdam. Kaya ang lumalabas, nag-walkout daw kasi he was in his car at paalis na. Then they realized na meron pa siyang eksena na ite-take.”
NATAKOT PALA SI Moi Marcampo kay Direk Joel Lamangan kaya talagang kinarir niya ang role niya bilang mataray na mayordoma sa Magic Palayok. “Natatakot kasi ako kay Direk, so hindi ko inisip na nahihirapan ako. Hindi ko iniisip na umaakting ako, kasi, si Direk nakakatakot. Hindi puwedeng arte-arte,” tsika ng production assistant ni Piolo Pascual na artista na ngayon.
Na-surprise kami nang malaman naming hindi binigyan ng tips ni Piolo si Moi sa pag-arte.
“Hindi niya ako tinuturuan kung paano umakting. Bahala raw ako. Kaya ko raw,” sabi ni Moi na medyo nahihiya sa aktor dahil bisi-bisihan na siya at hindi na masyadong nasasamahan si Piolo sa kanyang mga lakad.
“Nahihiya nga ako kay PJ. Gaya nu’ng concert niya, hindi ako nagpunta, kasi, nasa taping ako ng Magic Palayok. Nakakahiya naman, hindi ko naalagaan. Pagdating nga niya iniinggit niya ako. ‘Ang saya-saya ng concert!’” kuwento pa ni Moi.
OVER PROTECTIVE PALA talaga ang ina ni Sarah Geronimo. May nakapagtsika kasi sa amin na pati pala sa shooting ay nakikialam ang Mommy Divine ng singer-TV host. Kapag may eksena raw itong hindi gusto, talagang gumagawa ang madir ng paraan para hindi ito matuloy.
Totoo ba na sa shooting dati ni Sarah kunsaan leading man niya si John Lloyd Cruz ay binato ng tissue ni Mommy Divine ang director nilang si Cathy Garcia-Molina?
May isang eksena sa kotse sina Sarah at John Lloyd na very sweet sila. Habang gumigiling ang camera at nang halos parang hahalikan na raw ni Lloydie ang dalaga, biglang napaangat sa kanyang upuan si Mommy Divine. Hindi pa kasi sumisigaw ng ‘Cut!’ si Direk Cathy at ang fear yata ng madir ni Sarah ay baka biglang mahalikan ang kanyang dyunakis.
Alam n’yo ba ang ginawa raw ni Mommy Divine? Bigla raw binato nito ng isang box ng tissue ang director na nagulat sa ginawa ng ina ni Sarah. ‘Ayun, biglang napasigaw ng ‘Cut!’ ang direktora.
Hindi na lang daw kumibo si Direk Cathy sa pakikialam ng madir ni Sarah. Mabait naman kasi si Direk Cathy at ayaw na niyang palakihin ang issue. True ba itetch, Sarah?
Sa isang awards night naman, nagwagi si Sarah at siyempre ay umakyat ito ng entablado. Nandoon din si John Lloyd nung panahong ‘yon, at siyempre, kinantiyawan siya ng mga kaibigang press na siya ang mag-escort kay Sarah papunta sa stage.
Gentleman that he is, tumayo si Lloydie para ihatid sa stage ang kanyang leading lady. But he’s too late. Bigla raw kasing humarang si Mommy Divine sa daraanan ng actor at si Sarah naman ay mabilis ang paglalakad, kaya nakaakyat na kaagad ito ng stage.
Totoo ba ito, Mommy Divine?
Lex Chika
by Alex Valentine Brosas
