PINSAN NG boyfriend ni Carla Abellana na si Geoff Eigenmann si Andi Eigenmann. Kaya, hindi maiwasang matanong din ang aktres kung ano ang naging reaksiyon niya sa balitang pambubuhos ng alak at pananampal ni Andi kay Albie Casiño na humantong pa sa pambubugbog diumano ng apat na lalaking kasama niya sa huli.
“Actually may nag-text lang sa akin kagabi (Saturday night),” aniya nang makakuwentuhan namin recently. “Nasa bahay na ako. Malapit na akong matulog, may nag-text lang sa akin na may gano’ng nangyari raw.
“Hindi ko alam ang detalye ng pangyayari. Basta ang tinanong ko lang… is Andi okay? Okey naman daw si Andi. Sabi ko, o, sige, basta ok si Andi at walang nangyaring masama sa kanya. I really don’t know the details. I don’t know what happened. Siyempre, out na ako diyan. ‘Di ba? Pero ang concern ko is… kay Andi.”
Close ba silang dalawa?
“Hindi naman. Pero we’ve worked together before. Tapos kapag may chance, nagkikita naman kami kapag may family gathering.”
NAKAPAGSIMULA NANG mag-taping si Carla Abellana para sa bagong primetime series ng GMA-7 na Makapiling Kang Muli. Kasama niya rito sina Richard Gutierrez, Sarah Lahbati at Jennylyn Mercado.
“Okey katrabaho si Richard. Hindi siya mahirap katrabaho. Mabilis kaming naging at ease sa isa’t isa.
“Masarap siyang katrabaho. Masaya sa set. Kasi ang ganda ng place ng taping namin. Although mabibigat ‘yong mga eksena, nakakagaan ng loob ‘yong lugar,” paglalarawan niya sa rancho na location nila.
“Ang daming mga kabayo. Tapos makikita mo, ‘yong mga baka nando’n. It’s a beautiful place. It helps relax us artists. So, okey naman. Si Chard is very professional. Mabait at gentleman talaga.”
May kissing scene sila?
“Meron!” nangiti si Carla. “First taping day namin, first eksena namin. Kissing kaagad!” sabay tawa niya.
“Nakakatawa nga dahil first time ko makatrabaho si Chard, tapos first scene sa first taping day namin… kissing scene kaagad.
“Pero okey naman. Hindi naman kami nailang. Naka-ilang take kami. Pero, just to make it beautiful siyempre. So, ‘yon! Okey naman.”
Hindi ipinagselos ng boyfriend niyang si Geoff Eigenmann ang kissing scene nilang iyon ni Richard?
“Hindi naman. Nakita naman niya ‘yon. At hindi naman siya nagselos. Gano’n din naman ako kapag may kissing scene siya sa nakakapareha niya. Parang wala na lang. Kasi hindi naman siya iyon, eh. Kundi ‘yong character na ginagampanan niya at pinapanood mo.”
Pareho silang busy ngayon ni Geoff. But they still find time for each other daw.
“Kapag ano, kasi madalas nagti-taping naman sila, Manila lang. So, if he’s near the area, he comes to my house kapag may free time siya at wala siyang eksena.
Rubbing Elbows
by Ruben Marasigan
