Gulat na gulat si Nikki Gil nang tanungin siya kung preggy na nga ba siya at magpapakasal na sila ni Billy Crawford.
“Ha? Saan naman nanggaling ‘yan? Bakit daw? Ano raw ang proof that I am? Of course, not.
Nakakatawa naman. ‘Pag napanood ito ng tatay ko, magwa-wild ‘yun,” sunud-sunod na sagot ni Nikki sa And I Love You So presscon. Kitang-kita ang surprise sa kanyang mukha.
Natsismis man na buntis, maganda pa rin ang pananaw ni Nikki.
“Eto na lang. Eto ang isang showbiz couple na trying to make it right, trying to not exactly set an example but to do things the right way. Hindi naman naming itinatago, na open kami sa pagmamahalan naming sa isa’t isa. We’re not ashamed of it. We really want it to work. And the reason why we’re talking about marriage …wala naman talaga kaming plano na magpapakasal na kami, na may date na, ganito, ganyan. It’s parang proof lang na ang generation ngayon, mas seryoso sa buhay. It’s good to have a life plan, it’s good to have a goal para hindi ka….I’m really that kind of person.”
Klinaro rin ng dalaga ang isyung lilipat siya sa GMA-7. Ito ay matapos na lumabas sa pekeng Facebook account ni katotong Jun Lalin na si Nikki ang makakapareha ni Richard Gutierrez sa isang show nito sa Siyete.
“It never crossed my mind to transfer. Nagulat na lang ako. It’s an honor na matsismis ako nang ganyan. Sa lahat naman ng puwedeng matsismis sa ABS-CBN artists, bakit ako pa?” say ng dalaga.
“My loyalty is to the Kapamilya network. You know, etiquette na lang. Dito ako nagsimula. Masaya naman ako dito. I fact, I have a lot of projects. Mayroon akong dalawang shows na uumpisahan.”
Hindi nga rin makapaniwala si Billy sa tsismis na lilipat si Nikki sa GMA-7. “Na-shock siya. Sabi niya,” matapos kong lumipat dito, ikaw naman ang lilipat? Bakit ko naman gagawin iyon, eh, nandito siya. Siyempre, we want to be in the same network so that we can work with each other.”
BLIND ITEM!
KALOKA ANG ISANG magaling na singer. May experience siyang hindi makakalimutan nang minsan siyang mag-show sa abroad.
Nang nasa airport kasi sila ay ipinatawag ang female singer sa immigration room. Siyempre, medyo kinabahan ang mang-aawit dahil baka may problema sa kanyang mga papeles. Meron nga.
Sinipat nang maigi ng immigration officer ang singer, as in tiningnang mabuti ang kanyang mukha. ‘Yun pala, ikinukumpara ng officer ang photo ng singer sa kanyang passport. Hindi kasi kamukha ng singer ang litrato niyang ginamit sa kanyang passport. Iba ang ayos ng buhok niya kasi nagpagupit siya at medyo makapal din ang kanyang make-up nang mga oras na iyon.
Doon na nagkaroon ng problema. Nagtagal ang singer sa kapapaliwanag na siya nga ang nasa litrato sa passport. Kaya lang, hindi kaagad naniwala ang immigration officer. Nang magkaroon ng pagtatalo, sinampal daw ang singer ng officer. At dahil nasa ibang bansa, afraid daw ang mang-aawit na magreklamo.
Simula noon, tinandaan na ng singer ang experience niyang iyon.
Lex Chika
by Alex Valentine Brosas
