GRABE PALA ang taping sa soap opera ni David Archuleta.
May nakapagtsika sa amin na halos patayan ang taping dahil ito ay straight for fifteen days. Nakakaloka ‘yun kasi ang normal taping day para sa isang teleserye ay three times a week. Kailangang may pahinga ng isang araw ang buong staff dahil madugo ang pagsi-shoot sa telebisyon.
Tama ba ang narinig naming may mga umaangal na sa TV5 dahil sa ganitong taping process. Grabe ka naman kung ganito nang ganito ang gagawin nila sa mga tao sa production.
Anyway, special case lang daw itong kay David dahil kailangan nilang tapusin ang lahat ng eksena nito sa loob ng 15 days.
BONGGA ANG short exposure ni Ivan Dorschner sa concert ni Katy Perry.
Pinaakyat si Ivan to the stage ni Katy na naghubad ng kanyang shirt. Ininterbyu siya ni Katy at hinalikan siya ng pop singer ng ilang segundo rin sa pisngi. Hindi makapaniwala ang young actor ng ABS-CBN sa suwerte niya nang gabing iyon.
Then, Katy asked him to kiss her sa pisngi rin.
Kung sinuwerte si Ivan noong concert ni Katy, ito namang si Jed Madela ay minalas naman. Nawala kasi ang kanyang cellphone pagkatapos manood ng concert ng pop singer.
Nalaman namin ito when he tweeted KC Concepcion.
“Hi Kace! Nice seeing you at the Katy Perry concert. Wanted to post our pic! Too bad my phone got stolen right after the show,” tweet ni Jed.
“No guys. The thief wasn’t honest enough to return my iPhone,” dagdag pang mensahe ni Jed.
NATSITSISMIS SI Nikki Gil na nagmamaganda sa isang make-up artist.
Parang reyna raw itong nagtanong kung ano ang brand ng blower na gagamitin sa kanyang buhok. Ang fear daw kasi ng girlfriend ni Billy Crawford ay baka masira ang kanyang buhok.
At mukhang impatient din ang hitad dahil tanong nang tanong daw ito kung matatagalan pa ang pag-aayos sa kanya.
Teka, ‘di ba Nikki is playing a contravida in Mundo Man Ay Magunaw? Baka naman she’s just rehearsing how to be a baddie, hindi kaya?
Lex Chika
by Alex Valentine Brosas
