NAKAUSAP NAMIN si Direk Brillante Mendoza, ang director ng pelikulang Thy Womb ng Superstar na si Nora Aunor at inamin ni Direk sa amin na balak nga nilang isali sa 2012 Metro Manila Film Festival-Philippines ang comeback movie ni Ate Guy.
So, kung matanggap nga ng MMFF committee ang movie at maisali sa kumpetiyon, at papasok din ang isa pang movie ni Ate Guy na El Presidente, kasama si Governor ER Ejercito, ibig sabihin nito na maglalaban ang dalawang de-kalibreng pelikula ni Ate Guy? At para sa Best Actress sa gabi ng parangal ay Nora Aunor versus Nora Aunor ba ito?
Naku tiyak na lalo pang sisigla ang taunang pestibal.
LUNES NANG kinumpirma ni Derek Ramsay na break na sila ng girlfriend niya of six years na si Angelica Panganiban. Mariin din niyang nilinaw na walang third party involved sa kanilang hiwalayan.
Sa Paparazzi Showbiz Exposed ng TV5, isang mahabang panayam ang pinaunlakan ni Derek upang malinawan ang lahat ng mga bagay tungkol sa kanilang break-up ni Angelica.
“We’re just giving each other space, we want to analyze our feelings, our relationship, and there’s a perfect time and place to talk about things,” kuwento ni Derek.
“So siguro kapag ready na kaming mag-usap, du’n na kami mag-uusap. Nilabas ko lang ‘yun in respect and to defend Angel and our relationship. It’s just you know, I think it’s normal for a relationships to go trials and were going through a big one and were gonna take our time to figure out kung anong gagawin namin.”
Idiniin pa rin ng Kapatid Star na walang kinalaman si John Lloyd Cruz sa kanilang hiwalayan. Depensa niya, “There’s no truth to that. Hindi ganon si Angel, they just shot a movie in Vietnam, and I think nagkataon, nagka-timing that John Lloyd and Shaina (Magdayao) are having problem as well and I think that’s we’re all this (tsismis) you know.”
Iniuugnay rin sa kanya ang pangalan ni Sam Pinto pero ayon pa sa actor-TV host, wala itong katotohanan. “I only worked with Sam Pinto two years ago, for a commercial. You know what? Kawawa rin naman si Sam. It’s not fair also, parang binabastos natin ‘yung babae na walang ginagawa, isinasama n’yo pa sa isang bagay na hindi naman siya kasali. So, Sam, I’m sorry if your name got brought up… I apologize.”
Nilinaw rin sa kanya kung ano ang masasabi niya sa mga nag-speculate na baka gimik lang ito dahil nagkataon namang may pelikulang kasalukuyang ipinalalabas sa mga sinehan si Angelica.
Mahigpit namang ipinaglaban ni Derek si Angel sa gimik issue. Paliwanag pa nito, “Nakaka-insult naman kay Angel. Let’s be fair to Angel and Piolo (Pascual) and the Star Cinema for their movie, hindi naman siguro sila gagawa ng gimik na ganyan para lang kumita ang isang pelikula. Kikita ang pellikula na ‘yan dahil mahusay na artista si Angel, si Piolo at maganda ‘yung istorya. And I believe, susuportahan ‘yan ng mga tao hindi dahil sa gimik na ganito. That’s why I put that statement, people say that I should protect Angel by keeping silent, I kept my silence.
“Angel’s kept her silence, pero I wouldn’t say anything if Angel didn’t know about it and it’s not fair for her, na people are judging her that way, and it’s not fair for me, the people are judging me this way. I wish people will just accept it and let us handle things on our own.”
Sure na ‘to
By Arniel Serato
