KILALANG ACOUSTIC SINGER si Nyoy Volante, isang mang-aawit whose songs—my sincere apologies—I am not so familiar with. Pero ang alam ko, ang mga piyesang tulad ng Wildflower, Just Once at Mahal Kita, Walang Iba do not make up his repertoire.
Kasama ang kaibigang Richard Pinlac, we hosted the joint birthday celebration of “soulmates” Eddie Littlefield and Fernan Sucalit (puwede ring “Sol-mates” dahil they’re most loved by Tita Cynthia Sol, ang tinaguriang The Dancing Diva of her generation) at the Music 21 Plaza sa kabila ng pananalasa ng bagyong Egay nitong Linggo.
Isa nga sa mga panauhin nina Eddie at Fernan ay si Nyoy, whom I had seen in person and upclose for the first time. Sigaw ng audience, kantahin ni Nyoy ang isa sa kanyang mga signature song, but the charming singer settled for tunes na palasak nang kinakanta sa maraming videoke bars na sablay naman ang rendition, but NV (for purposes of brevity) gave even better interpretations than the original versions!
For an audience like me, admittedly unfamiliar with Nyoy’s brand of music… he was such a stunning revelation! Feeling ko, I had been in a time-warped, isolated capsule for ages that I never knew that a Nyoy Volante existed in the field of live entertainment!
No wonder, suki si Nyoy sa mga concert venues like the first venture of Eddie at a Quezon City bar. Armed with such vocal talent, sana’y mas marami pang break ang dumating kay Nyoy… calling concert producers out there, NV is the guy… Hindi Nora Villamayor na Ate Guy, ha?!
YAMAN DIN LAMANG na nasa “footnote” ko si Ate Guy, balitang tuloy na tuloy na raw ang kanyang pagbabalik-‘Pinas.
Of course, this is welcome news to the still-loyal fans ng tinaguriang “the one and only Superstar”, pero “old news” na ito, an item rehashed many times over like a viand at most carinderias na niluto, natira, ininit uli, ibinenta uli, pinagmukhang bagong luto pero wala namang nabago sa lasa!
Kung ga-nito rin lang ang ulam sa kaldero (buti sana kung nasa magic palayok), aba, nakakaumay na ito… will somebody please tell me kung nasaan ang pinakamalapit na inidoro na puwede kong sukahan?
Ate Guy’s return from the US (or from nowhere) has been reported for the umpteenth time, probably as many times as her controversial stories ranging from A to Z (addiction to gambling, allegedly, ha?… to her Zombie-like, aimless life, allegedly again, ha?).
Huwag na muna kasing i-press release ang kanyang pagbabalik unless kumpirmado na. Isang napakalaking “sugal” ang sabihing Ate Guy is here for good.
NAGSISINTIR SI CATHY kay Michelle dahil sa pananabunot nito sa bingguhan, pero paanong hindi raw maiimbiyerna si Michelle kung tinuruan ni Cathy ang kanyang anak na batuhin ang onse anyos naman nitong dyunakis? Hayun ang kaawa-awang sinapit ni Michelle nang bumulaga sa set ng Face To Face, kinuyog siya ni Cathy at may back-up pa!
Pero hindi kineri ni Tyang Amy Perez ang ginawang pagtatanggol ng kumare ni Michelle na si Elizabeth, hinagisan niya ng upuan si Cathy at kakampi nito! Tameme naman si Yolanda, ang nagpapa-Bingo, sa tagapamagitang si PAO Chief Persida Acosta na nagsabing iligal daw ang naturang palaro sa kanilang lugar.
Abangan ngayong Biyernes ang kuwentong ‘yan na pinamagatang Anak Ang Nambato Pero Si Nanay Ang Buminggo!
Pepperoni
by Ronnie Carrasco III
