HINDI LANG naman para kay Pauleen Luna ang parunggit ni Oyo Sotto sa kanyang twitter account tungkol sa hindi niya nagugustuhang pakikipagrelasyon ng kanyang daddy sa kung sinu-sinong mga babae, lalo na ‘yung mas bata na halos kung ihahanay kina Oyo at Danica Sotto ay parang mga kapatid na lang nila. Minsan lang naman kasi nagsasalita ang mga anak ni Bossing kapag mayroon na silang kailangang pansinin.
Ilabas muna natin sa kuwento si Pauleen. Pero ang totoo, hindi naman nalilihim kina Oyo at Danica na sobrang lapitin ng mga babae ang kanilang daddy. Tumbukin na rin natin, na dahil madisiplina sa pera si Vic, simple lang siya at hindi naipapangalandakan, pero napakayaman na niya. Sino ba ang unang dapat magprotekta sa kanilang mga magulang kundi ang kanilang mga anak? Doon nanggagaling ang damdamin nina Oyo at Danica, at karapatan nila iyon.
Consistent si Oyo sa kanyang ugali, na nagsasalita kapag mayroon siyang gustong ilabas. Wala siyang paliguy-ligoy lalo na kung tungkol sa kapakanan ng kanilang pamilya. Hindi lang naman tungkol sa kanyang daddy siya naglilitanya ng tungkol sa kanyang mga gustong ipunto. Noong nagkaroon din ng isyu ng ligawan tungkol sa kanyang Mommy na si Dina Bonnevie at kay Diether Ocampo ay hinarap niya ang isyu, at sinabing hindi rin siya pabor sa ligawang iyon, dahil parang magkapatid na lang sila sa edad ni Diet. Si Dina nga, bilang Mommy ay bilib at natatameme kapag si Oyo na ang nagsalita.
USAPIN PA rin ng sex appeal ng isang beterana sa mga bagets. Talaga palang malakas ang pang-akit ni Jean Garcia sa mga kabataan. ‘Yung tipong kapag pinagtabi mo sila ng kanyang anak na si Jenica Garcia, ay kakabugin pa ng byuti niya ang kanyang panganay. Kasi nga, makatawag-pansin siya sa mga bagets na kalalakihan. Nakatsikahan kasi namin ang baguhang young actor na si Jacob Miller sa press preview ng pelikulang Bola ng R and B Entertainment at Amazing Production, at si Jean daw ang aktres na crush niya sa showbiz.
“Crush ko si Miss Jean Garcia, dahil hindi nakakasawang tingnan ang kanyang hitsura. Maganda ‘yung kanyang mukha. Na kahit mommy na siya, ay hot mama talaga ang dating niya. Walang problema sa akin ‘yung agwat ng edad. Puwede akong makipagrelasyon sa babaeng mas may edad kesa sa akin, pero gusto ko’y hawig kay Miss Jean,” wika ni Jacob.
Mahiyain pa si Jacob magpainterbyu sa press, dahil baguhan pa lang siya. Pero kapag tumatagal na ang interbyuhan ay ganado na siyang magkuwento. Ang role niya sa movie ni Arnell Ignacio ay si Brat, isang basketball player sa kanilang barangay. Maganda ang body at height ni Jacob. Wala siyang limitasyon sa larangan ng pagpapaseksi. Marami siyang seksing eksena sa Bola katulad ng pag-jingle niya sa tabi ng bangka, ang pagpapa-blow job sa tabing-dagat at ‘yung habang natutulog siya ay dinukot niya at hinaplus-haplos ang kanyang harapan. Siya ‘yon.
ChorBA!
by Melchor Bautista
