Nagluluksa ang industriya ng showbiz sa pagpanaw ng beteranong talent manager na si Douglas Quijano. Natagpuang walang buhay si Quijano sa loob ng kanyang kuwarto sa pag-aari niyang resthouse sa Lucban, Quezon. Ayon sa doktor, atake sa puso ang sanhi ng pagkamatay na maaaring pinalala pa ng kumplikasyong dulot ng kanyang diabetis.
Founding member si Quijano ng Philippine Artists Managers, Inc. o PAMI. Nung nagsisimula pa lang siya sa entertainment industry, may kolum siya sa Graphics habang siya rin ang humawak sa karir ng ilang sikat na artistang tulad nina Tirso Cruz III at Aga Muhlach. Sa kanya ring pangangalaga namayagpag ang karir ng Gwapings na sina Mark Anthony Fernandez, Jomari Yllana at Eric Fructouso. Siya rin ang nag-manage sa karir ng mga sikat rin artista sa industriya tulad nina Richard at Lucy Torres-Gomez, John Estrada, Joey Marquez, Wendell Ramos, Antonio Aquitania, Anjo Yllana, Gelli de Belen, Jay Aquitania at Benj Basa.
Nakalagak ang kanyang labi sa Heritage Memorial Park. Animnapu’t apat na taong-gulang si Douglas at magsi-sixty five sana sa July 24.
Parazzi Wires Photos
