OLA CHIKA! NAKALULUNGKOT mang isipin, kalat na kalat na talaga ngayon ang sakit na swine flu sa buong bansa o tinatawag na AH1N1 virus, na nagsimula pa sa bansang Mexico at kumalat sa mga karating-bansa. Kaya naman pati ang bansa natin, todo-alerto sa lahat ng mga dayuhang pumapasasok sa bansa, maging sa mga kababayan natin.
Hindi nga ligtas dito ang buong Team Pacquiao, dahil lahat sila, kailangang sumunod sa direktiba ng DoH (Department of Health).
Kaya walang sikat na personalidad o kahit sinong makapangyarihan ang dapat sumuway, dahil para sa kapakanan din naman ito ng lahat. Kahit ang Pambansang Kamao, kailangang i-quarantine nang halos limang araw, dahil galing ito sa ibang bansa. Ipinapayo ngang ipagpaliban muna ang victory parade ni Pacquiao dahil dito. Kahit nga beso-beso ay bawal.
Nakakalerke talaga! Nakakawindang ang virus na ito, ha?!
SPEAKING OF MANNY Pacquiao, excited na nga raw umuwi ang nanay nitong si Aling Dionesia, dahil gusto nang ipamigay ang mga nabili nitong mamahaling gamit na pasalubong sa mga friends, kapatid, at apo. Higit daw sa lahat, kaya gusto na niyang umuwi eh, dahil gusto na niyang sumayaw ng ballroom. Diyusku! Hindi kaya mabalian ng buto! Hahaha!
Nakakaloka ang nanay ni Pacquiao, ha?! Bukod sa ayaw nang magsuot ng mumurahing mga underwear dahil nangangati, may ibang hilig pa pala ito, ang ballroom dancing nga. Dapat i-try na rin niya ang street dancing, ‘di ba bongga?! Tingnan natin kung hindi siya maging experts sa pagsayaw. O, anong ma-sey n’yo?
Ngunit medyo hindi rin yata maganda ang pag-uwi ni Aling Dionesia dahil pati siya, hindi ligtas o excuse sa AH1N1 virus. Pati nga kasi siya, iku-quarantine, at bawal ding makipag-chikahan at magbeso-beso. Nakakalerke, huh! Chika ng aking parazzi girl, dapat isang kilometro ang layo. May ganu’n?
At hindi lang ‘yan, dahil balak din pa lang pasukin ni Aling Dionesia ang mundo ng showbiz. Hahaha! Bukod sa mamahaling relo na ibinigay ni Manny sa kanya para sa kanyang birthday, kakausapin daw niya ang anak na i-produce siya ng pelikula, ha?!
Naloka ako! Hindi ko maisip kung ano ang kalalabasan. Naku tama na! I’m sure hindi ipa-pirate ‘yan! Hahaha! Naku ha?! Ano’ng ma-sey n’yo? ‘Yun na!
Ooola Chika
E-mail: [email protected]
by Tita Swarding
