OLA CHIKKA NOW na! Oh no… oh, yes… now na! More chikka, more fun na naman to the maximum authority of chikka ng yours truly! Maloloka ka talaga sa Earth kaya don’t make your Monday a blue Monday!
Kumusta naman kaya itong kaso ng anak-anakan kong si Ram Revilla, dahil hanggang ngayon ay hindi pa rin matuklasan kung sino ba talaga ang tinutukoy nila sa mga nangyaring insidente.
Awang-awa pa rin ako sa pa-milya ni Ram, dahil halos lahat, sa kanila isinisisi ang nangyari. Nakakaloka!
Unang naging suspek ay ang kapatid ni Ram na sina Ramon Joseph at Maria Ramona, at nu’ng lumabas naman itong si Glaiza ay tinuturo naman niya si Gail na isa rin sa mga sangkot sa kaso.
Hindi ko lubos-maisip na kasangkot siya sa mga nangyari, dahil naging talent ko noon si Gail at talagang mukhang malabong mangyari, dahil napakabait na bata nitong si Gail.
Bakit kaya hindi pa rin matapus-tapos ang isyung ito, at iniisa-isa na ang pamilya ni Ram? Sana naman, maayos na ang kasong ito para matahimik na ang pamilya ng aking anak-anakan na si Ram Revilla.
KUMUSTAHIN NAMAN NATIN ang mga naging eksena na talaga namang nakakaloka rin!
Mukhang mawawala na ang show ni Willie Revillame na Wil Time Bigtime, dahil nga ang mga bali-balitang natatamaan niya na ang mga oras ng mga sumusunod sa kanya.
Naku, naman! Ilang beses ko na kaya itong isinulat na bakit naman siya ganu’n? Dapat, kung masasabi mong professional ang mga coordinator nitong show na ito, dapat marunong silang mag-time management. Or dahil naman kaya ito sa mga host na hindi nila ma-manage ang oras nila, dahil ang bagal nilang mag-isip at ang bagal ng facing? Hindi pa naman batikan ang mga co-host nito.
Naku at may balita pa yata na magbabakasyon itong si Mariel Rodriguez at papalit itong anak ni Villar na si Camille. Naku, kumustahin naman kaya natin ang chikkang ‘yan… nakakaloka, ‘di ba? Subukan natin baka naman maging mas mabagal pa ang facing niyan. ‘Yan ay sabi lang ng mga kaparazzi natin. Nakakaloka naman, ‘te! Hahaha!
KUNG NABITIN KAYO sa ating mga chikka ay maaari n’yo kaming subaybayan sa DWSS 1494 khz sa programang “Ola Chikka Now Na!” with Lady Camille mula Lunes hanggang Biyernes, 11:30 a.m – 12:00 nn, at tuwing Linggo sa DZRH 666 khz, “Sa Totoong-totoo lang, ‘Yun na!”, 2:30 – 3:30 p.m. This is your Tita Swarding saying… God bless us all! Pak!
Ooola Chika
E-mail: [email protected]
by Tita Swarding
