STAR-STUDDDED ANG inauguration nina Pres. Noynoy Aquino at Vice-Pres. Jejomar Binay nu’ng kamakalawa ng umaga. Pero ang isa sa inaabangan doon ay kung darating ba si James Yap.
Mabuti naman at hindi siya pumunta dahil tiyak na sila ang pag-uusapan doon at tatalbugan ang moment ni Pres. Noynoy.
Mailap si Kris sa mga interview pagdating sa isyu nila ni James dahil araw naman daw ‘yun ng kapatid niya kaya ayaw na niyang magsalita.
Sinubukan nga ng Startalk reporter namin, pero tumanggi talaga ito at halata ngang malungkot siya.
Hiningan na lang ng reaksiyon ang mga malalapit niyang kaibigan, pero safe naman ang mga sagot nila dahil mabuting respetuhin na lang daw ang desisyon ng dalawa.
Sabi nga ng kapatid ni Kris na si Viel, hoping pa rin sila na magkakaayos pero sa kanila na raw ang desisyon at sinusuportahan na lang daw nila kung ano ang desisyon ng kapatid nila.
Pero sa mga naririnig ko, mukhang malabo na raw talaga dahil sinabi na nga raw ni Kris na suko na siya dahil bastusan na raw talaga.
Ang dinig ko kasi, napuno na rin si James kaya talagang iniirita na niya si Kris para tuluyan na silang maghiwalay.
Hay, naku! Patuloy pa ring sinusubaybayan iyang drama nina James at Kris. Matagal-tagal pa itong pag-uusapan lalo na kung magsasalita si James.
NAMATAAN PALA NG Startalk si Bing Loyzaga sa inauguration nina Pres. Noynoy na nahuli nang dating kaya na-interview ito habang naghihintay ng sasakyan na maghahatid sa kanya sa Quirino Grandstand mula Manila Hotel.
Kinumusta ang panganay niyang anak na si Alyssa, pero umiwas na ito. Nakakaduda tuloy kung totoo ba ‘yung kumakalat na isyung buntis daw ito.
Hindi nagbigay ng sagot si Bing tungkol sa isyung iyan. Nairita na nga ito sa reporter namin dahil hindi raw magandang ina-ambush interview siya.
Kaya lang, bakit iniiwasan niya itong pag-usapan? Ano ba talaga ang totoo?
Nagsimula lang kasi ang tsismis na ‘to nang mag-post daw si Janno Gibbs sa Facebook account niya na hindi pa siya bagay maging lolo.
Pero hindi naman siya nang gusto na itong interbyuhin ng mga reporter, umiiwas naman.
Ano kaya ang totoo? Lalabas din iyan kung totoo, abangan na lang natin.
NGAYONG LINGGO NA matatapos ang Take Me Out ni Jay-R at ang ipapalit ay ang nagbabalik na Hole in the Wall nina Ogie Alcasid at Michael V.
Balik din ang karakter nilang Yaya and Angelina, pero ang dinig ko hindi lang ang ganu’ng karakter ang gagampanan nila sa game show na ‘yun kundi marami raw.
Paiba-ibang karakter daw ang drama nila bawat episode para mas kuwela ito.
As much as possible, ayaw na sana nilang ibalik ang Yaya and Angelina pero marami raw ang nagri-request kaya ibinalik nila ito. Hindi naman daw ito palagi.
Abangan n’yo na lang ito next week bago mag-Langit sa Piling Ko.
Mga Mata ni Lolita
by Lolit Solis
