HINDI PA nga nakaka-move-on si Mo Twister sa paghihiwalay nila ni Rhian Ramos dahil bawat lalaking maugnay ngayon kay Rhian Ramos, may intrigang naghihintay galing kay DJ Mo. Kung ang star ng GMA-7 ay mabilis naka-recover, hindi ang controversial TV host. Napapabalita kasing si KC Montero na raw ngayon ang boyfriend ng actress, pero walang confirmation galing sa kanila na sila na nga. Super react si Mo kasi nga naging mag-bestfriend noon sila ni KC kaya masakit para sa ex-boyfriend ni Rhian na tanggaping kaibigan pa nito ang ipinalit sa kanya.
Pati si Aubrey Miles na asawa ni Troy Montero ay nadamay sa emotional depression ni Mo. Hindi lang naman si KC ang dini-date ni Rhian. May mga non-showbiz guys rin siyang sinasamahan sa mga gimikan. Ang latest, pati ang kapatid ni Pampi Lacson (ex-husband ni Jodi Sta. Maria) ay madalas nakikitang kasama ng actress sa Rockwell at sa The Fort. Mas type daw ni Rhian ang anak ni Sen. Ping Lacson kaysa kay KC. Naintriga tuloy kami sa aming kausap, ipinakita ang picture nito sa amin. Guwapo at may sariling paninindigan, tsika sa amin. Handa raw panagutan nito kung sakaling maging seryoso ang kanilang relasyon.
Matatanggap kaya ni DJ Mo na anak ng senador ang ipinalit sa kanya ni Rhian? Kung totoo itong tsika, dapat sigurong matanggap na niyang tapos na ang happy moments nila ng actress at maging happy siya sa dati niyang dyowa. Ewan ko lang kung papaanong intriga ang gagawin niya sa diumano bagong boyfriend ni Rhian Ramos. Abangan…
MARAMI PA rin ang hindi makapaniwalang hiwalay na ang dating mag-dyowang sina John Lloyd Cruz at Shaina Magdayao. Ang itinuturong dahilan ng split-up ng dalawa ay si Angelica Panganiban kaya’t nang malaman ito ni Derek Ramsay ay agad nakipagkalas sa actress. Sinasabing gumigimik lang daw sina Lloydie at Angel dahil may pelikula silang ipalalabas under Star Cinema.
Pero may tsika sa Rockwell diumano nagkikita sina John Lloyd at Angelica. Magdi-dinner raw ang dalawa at pagka-tapos magba-bar happening. May balita pa ngang may nakakita sa kanila sa loob ng bar na naghahalikan. Nand’yan pang inuumaga raw si Lloydie sa condo unit ng actress. Kung anu-anong intriga ngayon ang ibinabato sa kanila. Tuloy, nagiging nega ang dating nila sa publiko. Tikom naman ang bibig nina Lloydie at Angelica. Tanging sina Shaina at Derek lang ang nagsasalita tungkol sa hiwalayan issue.
Kung promo ngang masasabi ang intrigang ito kina John Lloyd at Angelica, hindi makatutulong sa pelikula at sa personal nilang buhay ang controversy na kinasasangkutan nila. Kailangan sigurong magsalita na ang dalawa about the issue para malinis ang kanilang pangalan.
KAHIT SABIHIN pa nating kababawan ang pelikulang Boy Pick-Up na dinirek ni Dominic Zapata ng GMA Films, patok ito sa takilya. Hataw sa katatawanan ang bawat eksena nina DennisTrillo, Solenn Heussaff at Ogie Alcasid. Hasang-hasa na sa comedy ang asawa ni Regine Velasquez. Nasa timing pati pagbitiw ng dialogue, swak sa audience. Lalo pang naging riot nang pumasok sa eksena si Michael V. na lalong ikinatuwa ng manonood.
Sa totoo lang, may chemistry sina Ogie at Michael V. Inamin ng dalawang comedian na malaki ang naitulong ni Joey de Leon sa career nila bilang komedyante. “As a person, seryoso sa buhay at very responsible father and a husband si Ogie,” say ni Regine.
Super nga raw itong maalaga at napaka-thoughtful na asawa.
Ganu’n ?
AYAW Paawat!
by Eddie Littlefield
