GUMAGAWA NA rin ng kanyang sariling pangalan sa music industry si Paolo Valenciano, the eldest son of Mr. Pure Energy Gary Valenciano and Angeli Pangilinan. He is the frontman of the rock band Salamin.
Dahil sikat ang kanyang ama ay hindi maiiwasan na madalas naikakabit ang pangalan ni Paolo kay Gary. Aminado si Paolo that there’s pressure being the son of Gary dahil naikukumpara silang dalawa. “People will always compare me to him. People will always say I’m not as good as him, people will put me down,” Paolo said. Pero kahit saang anggulo mo pa tingnan, Paolo will always be Gary’s son.
Hindi raw siya nagpapa-apekto sa mga ganitong klase ng intriga. “They can say all these things about me pero Gary V is my dad. How cool is that? Okay na ako.”
May kasabihan nga na kung ano ang puno ay ganito rin ang bunga. Since Gary is multi-talented, hindi nakapagtataka na magmana sa kanya ang mga anak. Kung si Paolo ay piniling sundan ang yapak ng kanyang ama sa pagkanta, si Gab naman ay humahataw sa dance floor. Magkasama tuwing Linggo sina Gary at Gab sa ASAP.
Paolo’s band Salamin is trying to penetrate into the music scene. Aminado si Paolo na hindi ito madaling gawin pero hindi sila titigil ng kanyang banda from doing what they are passionate about. In fact, Salamin was invited to the C-Winter Festival in Buncheon, South Korea. Kuwento niya, “The culture is very different. Kung dito ‘pag nag-e-enjoy ang mga tao ‘Woohoo!’ Doon, ganito lang (tame clapping). It was an amazing experience to actually see stuff like that.”
Kaibigan, usap tayo muli!
Points of Boy
by Boy Abunda
