KAHIT ANONG IWAS ang gawin nina John Lloyd Cruz at Shaina Magdayao sa totoo nilang relasyon, patuloy pa rin silang iniintriga. Nandyan ang diumano’y gusto na raw makipag-live-in ng dalaga sa magaling na actor na pinabulaanan agad ng binata. Imposible raw mangyari ‘yun dahil hindi papayag ang magulang ni Shaina, ayon kay Lloydie.
Hindi rin itinanggi ni John Lloyd na may pitak sa puso niya si Shaina at madalas silang magkasama sa mga lakaran at gimikan. Sa ikinikilos ng dalawa, walang dudang may something sa kanilang relationship. Kung ayaw nilang aminin, hayaan natin sila. Ang importante, masaya’t maligaya sila sa piling ng isa’t isa.
Marami ang nagsasabing hindi raw makatutulong sa career ni Lloydie ang pakikipagrelasyon niya kay Shaina. Hanggang kailan kaya nila maitatago ang kanilang love affair? Maraming artista nating babae ang nangangarap na makatambal ang guwapong aktor tulad nina Angel Locsin, KC Concepcion at ang international star na si Lea Salonga.
Ang tambalang John Lloyd at Shaina, kailan kaya natin mapapanood sa MMK?
HINDI PA RIN mamatay-matay ang issue na mag-dyowa raw sina Angel Locsin at Chito Miranda ng Parokya ni Edgar. Kahit super-deny ang actress, na friends lang sila ng lead vocalist ng nasabing banda, ayaw itong paniwalaan ng entertainment press. Madalas daw kasi makitang nakatambay ang binata sa bar ng aktres kaya pinagdududahan ang kanilang friendship.
Hindi naman naniniwala si Luis Manzano na may something kina Angel at Chito. Pinanghahawakan kasi ng actor ang binitawang salita ng ex-girlfriend na friends lang talaga sila nito. Diretsong inamin ni Luis na mahal pa rin niya si Angel kaya patuloy pa rin ang panunuyo niya na muling manumbalik ang pagmamahal sa kanya ng dating kasintahan.
Nu’ng nakaraang birthday ni Angel last April 23, special birthday gift ang ibinigay ni Lucky. Hindi na lang binanggit ng aktres ang mamahaling regalo na ibinigay sa kanya compared sa birthday gift na iniregalo niya sa anak ni Governor Vilma Santos.
Ipod mini-hamburger speaker at cellphone ang regalo ni Angel sa birthday ni Luis last April 21. Madalas banggitin ng actor na ito ang gusto niyang matanggap sa kanyang kaarawan at hindi siya nabigo. Lalo sigurong magiging masaya ang binata ‘pag nagkabalikan uli sila ni Angel, ‘di ba?
TULAD NINA MELISSA Ricks at Jake Cuenca, kahit super sweet behind the camera, deny to the max pa rin sila sa tunay nilang relasyon. Hanggang ngayon, friends pa rin ang kanilang drama. Nasa period pa rin sila ng ligawan kahit alam nating mag-syota na sila. Kapag magkasama ang dalawa hindi mo sila mapaghihiwalay lalo’t in private places na walang gaanong tao sa paligid.
Purple Louis Vuitton ang birthday gift ni Jake kay Melissa. Gamit niya ito nu’ng mag-attend siya sa Babe, I Love You bar night nina Anne Curtis at Sam Milby. Super-emote ang bag, kiyeme, ayaw pakunan ng litrato. Last Christmas, signature bag din ang ibinigay ng actor sa dalaga. Alam kasi ni Jake ang hilig ng kanyang dyowa, mag-collect ng mga signature bag.
AYAW Paawat!
by Eddie Littlefield
