IBINALIK PALA ng GMA-7 ang Pepito Manaloto ni Michael V.
Pero ang sabi nila, bagong kuwento na raw ito at tinawag na nga nilang Pepito Manaloto, Ang Tunay na Kuwento.
Siyempre, ideya ito ni Michael V at magagaling nilang writer, at kasama pa rin ang dating cast.
Ang isa nga sa pinagkaguluhang interbyuhin ng mga reporters nito ay si Janna Dominguez na medyo may katabaan pa nga.
Ngayon lang nga siya nagsa-lita pagkatapos niyang manganak ng isang baby girl nila ni Mickey Ablan.
Mukhang haping-happy naman si Janna, at sinasabi nga niyang malaki raw ang ipinagbago niya pagkatapos niyang maging isang ina.
Close na rin kay Janna ang anak ni Mickey sa una niyang girlfriend, na sabi nga nito dalawa na raw ang baby niya.
Parang ang daling nakapag-adjust nitong anak ni Mickey sa mga girlfriend nito dahil dati close na close din ito kay Iwa, ngayon naman kay Janna.
Siguro ito na nga si Janna ang last na girlfriend ng Daddy niya dahil engaged na pala ang dalawa. Sabi ni Janna, gusto raw niyang pumayat muna bago siya magpakasal.
Pero ang dinig ko naman kasi, hindi pa talaga puwede dahil kasal pa raw si Mickey kay Iwa. Wala namang umaamin sa kanilang dalawa, at sabi naman ni Mickey okay na raw.
Sabi naman ni Janna, isyu ‘yun ni Mickey at ni Iwa kaya ayaw na raw niyang magsalita. Basta ang mahalaga masaya raw sila ni Mickey at darating din naman daw sila sa kasalan, pero hindi pa muna ngayon.
Mukhang tahimik na rin naman si Iwa ngayon, at sabi nga niya gusto niyang maging friends na silang tatlo.
Sabi ni Mickey, okay na sila ni Iwa, pero hindi na sila gaanong nag-uusap sa ngayon.
Sagot naman ni Janna, hindi pa raw tamang panahon na magkaayos sila. Dapat daw mag-usap muna sila ni Iwa nang masinsinan na walang kamera. In time daw magkakaayos din daw sila.
Abangan na lang natin ang reaksyon diyan ni Iwa. Hindi na ako magtataka kung may pasabog na naman si Iwa.
Sa September 16 na pala magsisimula itong Pepito Manaloto sa GMA Sunday Grande.
SUPORTADO NI Cesar Montano ang kababayan niyang baguhang direktor na si RD Alba, kaya pumayag itong magbida sa isang indie film.
Ito ‘yung Biktima na pinu-promote ngayon ng aktor dahil magsu-showing na pala ito sa September 19 na distributed ng Star Cinema. Kasama rito ni Cesar si Angel Aquino at may special participation din si Sunshine Cruz.
Natapos na pala ito nu’ng 2010 dahil nakabase sa Amerika ang direktor at doon pa raw ang post production.
Gustung-gusto ni Cesar ang pelikulang ito, at dapat daw na mabigyan ng chance ang mga baguhang direktor na magagaling.
Type din pala ni Cesar na magdirek ng isang indie film at gusto rin niyang sumali sa Cinemalaya.
Malaking bagay raw itong mga indie films para sa ating movie industry.
ABANGAN N’YO pala sa Startalk bukas dahil guest namin si LJ Reyes na magpu-promote ng bagong programa niya sa GMA-7 na Aso ni San Roque.
Sasagutin kaya niya ang nabalitaan naming hiwalay na raw sila ni Paulo Avelino?
Tahimik lang naman sila sa relasyon nila dahil siyempre ipinagbabawal ng ABS-CBN 2 kay Paulo na pag-usapan ‘yun.
Tingnan na lang natin kung lilinawin ni LJ ang intrigang iyan.
Tiyak namang hindi magsasalita si Paulo tungkol diyan.
Mga Mata ni Lolita
by Lolit Solis
