MAY PAYO si BB Gandanghari sa mga ayaw pa rin daw magladlad. Payo niya sa mga kapwa niyang artista bakla na naglalaki-lakihan pa: “Hahaba ang buhay ninyo kung aamin na kayo. Makakawala kayo sa matinding stress.”
Reaction naman niya sa pagseselos ni Mariel Rodriquez sa kissing at love scene nina Robin Padilla at Kris Aquino sa seryeng Kailangan Ko’y Ikaw: “Nag-asawa siya ng isang Robin Padilla, eh. Ano ang magagawa natin?”
Dapat nga raw ay masanay na si Mariel dahil malakas daw talaga ang charisma ng utol niya at lapitin ng babae. Saka wala naman daw dapat ipagselos si Mariel dahil trabaho lang ginawa nina Robin at Kris sa love scene nila sa serye.
“Ang tatanda na nila and they are all mature people. Siguro naman, alam na nila ang mga ginagawa nila,” hirit pa ni BB.
KAYA PALA pinagpapala ang isang Coco Martin ay ma-runong tumingin sa pinanggalingan not like ng iba riyan na nang magkapangalan or sumikat ay biglang nagbabago.
Iba si Coco, dahil nang sorpresahin siya ni German Moreno sa presscon ng kanyang movie na A Moment In Time with Julia Montes, tahasang sinabi ng actor na hinding-hindi niya makakalimutan ang ibinigay na importansya sa kanya ni Kuya Germs.
“Kuya Germs, salamat po sa binigay ninyong importansiya sa akin noong ako ay nagsisimula pa lang sa showbiz. Binigyan ninyo ako ng pagkakataon makapag-promote sa TV show ninyo kahit hindi pa ako kilala at baguhan pa lang. Salamat po Kuya Germs,” pahayag ni Coco.
Kaya naman sa pagse-celebrate ng 50th year anniversary ni Kuya Germs sa May, sinigurado ni Coco na isa siya sa mga darating para sa anniversary presentation ng nag-iisang Master Showman na si German Moreno.
Bongga ang pagse-celebrate ng Golden Year ni Kuya Germs dahil magsisilbi na rin itong thanksgiving party niya sa lahat ng press na tumulong sa kanyang showbiz career hanggang ngayon.
Malalaking cash at pa-raffle ang inihanda raw ni Kuya Germs sa lahat ng mga imbitadong press sa pagse-celebrate niya ng Golden Year in showbiz.
Sabi ni Kuya Germs, sana raw ay dumating ang mga inasahan niyang artista sa kanyang celebration. Maging ito raw ay galing pa sa iba’t ibang TV network.
KAHAPON, FEBRUARY 14, ang birthday ni Kris Aquino at ipinagdiwang niya ang kanyang kaarawan sa isang bagong beach resort sa Siargao kasama ang mga anak at kaibigang si Zsa Zsa Padilla.
Samantala, inunahan na ni Kris ang mga press na nakatanggap ng sulat ang ABS-CBN mula sa GMA 7, na may kinalaman ang sulat sa interview niya kay Congressman Manny Pacquiao na nangyari sa General Santos City noong nakaraang Linggo na naka-schedule sanang ipalabas sa kanyang morning show na ang Kris TV.
“Uunahan ko na. Nakakuha kasi kami ng letter ga-ling sa GMA na bawal si Manny Pacquiao. Puwede siyang makita pero bawal marinig ang interview sa kanya. So, huwag ninyo nang kuwestyunin kung bakit si Jinkee lang nagsalita. In-edit na namin para ma-air pa rin naman. That airs this Friday. So, sorry ha? Inunahan ko na para walang gulo at para hindi ma-TRO ‘yung episode,” paliwanag ni Kris.
Sinagot din ni Kris ang isyu na disappointed siya habang pinipirmahan ang tseke na nagkakahalaga ng mil-yun-milyong piso na bahagi ng settlement nila ng kanyang ex-husband na si James Yap na tinawag niya sa kanyang Tweet na: “you know who”. Reportedly, P40 million ang halaga ng tseke na ibinigay ni Kris kay James.
“Mahirap talagang mag-sign ng mga papeles na ganoon. Pero tapos na ‘yun, and God is really good. Right after that, Boy called ‘you have two endorsements’. Hindi tulog ang Diyos. Times twenty ‘yung ibinigay na endorsement na kapalit noong pinirmahan ko.”
Oh. C’mon!
By Gerry Ocampo
