TIYAK NA MATUTUWA ang mga fans nina Ryan Agoncillo at Judy Ann Santos kapag true na buntis na nga si Judai finally.
Sa amin nga, parang feeling namin, sa dami ng pinagdaanang dusa at hirap ni Judai para maabot ang kanyang tagumpay, aba, isang bonggang-bonggang blessing ‘yan mula kay Bro kung totoo man.
Sa set daw ng movie nila ni Sarah Geronimo ay halata na raw na lumalaki ang balakang ni Judai. Sign na kaya ‘yon na preggy na ang lola n’yo?
Anyway, kung totoo man, ang aming bonggang-bonggang pagbati kay Judai at kay Ryan.
NAPANOOD NA NAMIN ang Miss You Like Crazy nina John Lloyd Cruz at Bea Alonzo. In fairness, para naman makatulong kami sa box-office ng pelikula ay nag-pay kami ng misis kong si Georgette, dahil siya talaga ang may gustong mapanood ito.
So go na kami ng Gateway nu’ng Monday. Obviously, ‘pag weekdays talaga, normally, hindi punuan ang last full show, dahil may pasok kinabukasan, ‘di ba?
So, nu’ng nasa loob na kami, siguro 1/4 lang ang nag-watch at 3/4 ang bakanteng upuan.
‘Pag Cathy Garcia-Molina ang direktor, may mga punches na sadyang nakatatawa kahit walang layuning magpatawa. Pero sa pelikulang ito, hindi namin mahanap kung ano ‘yung kulang.
Parang alam n’yo ‘yon? May kulang, pero hindi mo mai-describe kung ano ang kulang. Siguro, kulang sa kilig moments. Siguro, kaya rin hindi kami masyado kinilig, eh, dahil ang laki na ng ipinag-mature nina Bea at John Lloyd.
Hindi rin naging consistent ang jologs acting ni Bea. Madalas na nakalilimutan niyang jologs pala siya, dahil ang pormal-pormal niya sa ilang eksena.
Maganda rin sana ang signifance sa pelikula ng “bato” na sinusulatan nila pareho ni John Lloyd kung nai-establish kung ano’ng dahilan, ba’t bato ang sinusulatan ni Bea.
Kapansin-pansin din sa isang eksena, pagtayo sa bench ni Bea, basa ‘yung harapan niya, kaya me naririnig-rinig kaming, “Ay, basa….umihi!”
Ke John Lloyd naman,’ pag naka-manipis na damit, bakat na bakat ang utong. Parang may “susong bubot” si Lloydie, at nu’ng tineks namin si John Lloyd, aminado siyang pati siya ay hindi nagandahan sa kanyang katawan.
Hindi namin maikuwento sa inyo ang buod ng movie, dahil once in a while ay nakaiidlip kami. Siguro, sa sobrang pagod na rin sa pag-iikut-ikot namin sa District 3 ng Quezon City nu’ng hapon.
Kaya nu’ng tanungin namin ang aming misis kung nagandahan siya, ang sagot niya: “Okay naman siya. Simple lang ang istorya.”
‘Yun naman pala. So watch n’yo na rin. Baka mali naman ang aming obserbasyon, kasi nga, naidlip kami, eh, sorry po. Tao lang.
TULOY NA TULOY na ang mega major concert ni Vice Ganda sa Araneta Coliseum. Ang title: “May Nag-text…’Yung Totoo…Vice Ganda Sa Araneta!”
Sorpresa lahat ang mga guests ni Vice, pero ngayon pa lang na iniisip niyang Araneta ang kanyang pupunuin ay nape-pressure na ang lola n’yo.
“Juice ko, Mama, iniisip ko pa lang, parang ina-alopecia na ‘ko sa ulo. Para na ‘kong me mga poknat sa ulo sa sobrang tension at stress. Sana naman, maging successful, dahil juice ko, buwis-career ang gagawin ko ‘pag nag-flop ‘yan!”
Think positive, Vice. ‘Wag kang aayaw. Basta panatilihin lang ang mga paa sa lupa.
‘Wag n’yong kalilimutan ang “Wow! Ang Showbiiiz!” sa dwiz 882 sa inyong AM station at maririnig din sa online, www.dwiz882.com, 11-12nn.
Oh My G!
by Ogie Diaz
