MUKHANG HINDI NA tuloy ang pagsasama nina Robin Padilla at Mariel Rodriguez sa isang sitcom sa Dos.
Uunahin na raw kasing tapusin ni Robin ang movie niya with Toni Gonzaga na medyo matagal na niyang nasimulan at hindi matapus-tapos. Ito raw muna ang kanyang aasikasuhin dahil may playdate na ito.
In her past interview, kinumpirma ni Mariel na magsasama nga sila ni Robin sa isang project sa ABS-CBN, ang Palibhasa Sikat. Excited pa nga siyang makasama ang action star na nali-link sa kanya.
Nang minsang usisain si Mariel about her sitcom with Robin, reluctant itong sumagot. ‘Yun pala, hindi pa sure ang kanilang pagsasamahang show kahit na nakapag-story conference na ang dalaga.
Ang next movie project naman ni Binoe ay Ang Tatay Kong Hoodlum na magtatampok sa kanyang anak na si Queenie Padilla. Balik-tambalan din nila ito ni Vina Morales na dating nakarelasyon ng action star. Nagtambal sina Vina at Binoe sa Ang Utol Kong Hoodlum na talagang tumabo sa takilya.
At hindi lang ito ang gagawin ni Robin. Maglalabas pa siya ng isang album. Namimili na nga raw ang aktor ng mga kanta na isasama niya sa kanyang album.
Pagkatapos ng movie niya with Toni, balak ding ibalik ng Dos si Robin para muling mag-host ng Wowowee.
Sa Wowowee unang na-link sina Robin at Mariel.
HINDI KAMI NANINIWALA na capable si Shaina Magdayao na magmaganda sa twitter tulad ng lumabas na balita.
Noong June 28, may lumabas na nasty message sa twitter account ni Shaina gayong two days na niya itong isinara.
“Poor fans…still hoping magiging sila pa?? in your dreams na lang!” and “Ang hina niyo pala e! Oo kami na ni John Lloyd anong pakielam niyo! Damn Bitches!”
Iyan ang umapir sa twitter account ni Shaina na talagang ikinagulat ng aktres. Wala siyang kamalay-malay na nagamit ang kanyang twitter account kahit na sarado na ito.
In fairness kay Shaina, never naman namin siyang nakitaan ng magaspang na ugali. Wala sa character ng younger sister ni Vina Morales na maging nasty.
In the first place, masaya si Shaina ngayon sa kanyang lovelife. Wala na siyang mahihiling pa dahil finally ay inamin na ni John Lloyd ang relasyon nila na matagal din nilang itinago noon.
TRUE KAYA NA ipina-announce pa ni Pia Guanio sa isang TV host sa birthday party ni Ruffa Gutierrez na single na siya?
Bagama’t nag-deny na si Pia na break na sila ni Vic Sotto ay hindi pa rin mamatay-matay ang isyung naghiwalay na sila ng TV host comedian.
Sa nasabing party, napansin ng friend namin na panay raw ang yosi ni Pia. Eh, sa isang niyang interview ay sinabi niya na mas matutuwa siya kung hindi na magyoyosi si Vic.
Lex Chika
by Alex Valentine Brosas
