MAGDYOWA NA RAW sina Mariel Rodriguez at Robin Padilla.
‘Yan ang kumakalat na tsismis ngayon sa showbiz. Maraming beses na kasi silang spotted sa kung saan-saan. At tuwina, more than friendly ang kanilang kilos at galaw.
Ang latest na nagpakita ng sweetness ang dalawa ay noong mag-dinner sila sa Romulo’s Restaurant sa Quezon City. Last Wednesday lang nangyari iyon at ang nakarating sa aming tsika, dalawa lamang silang nag-dinner.
Last Sunday sa The Buzz ay inusisa ni KC Concepcion ang suot ni Mariel na singsing. Parang engagement ring kasi ang dating ng ring na iyon.
Two weeks ago, spotted sina Mariel at Robin sa surprise birthday party na ibinigay ni Binoe para sa kanyang anak na si Queenie. Maging si Queenie nga raw ay na-surprise nang sobra nang umapir si Mariel sa kanyang birthday party.
Anyway, mukhang tanggap na naman ng mga anak ni Binoe si Mariel, kaya walang magiging problema kung magdyowa na nga sila.
AFTER DIVA AY pahinga muna si Regine Velasquez sa paggawa ng TV show kaya sa Party Pilipinas na muna siya makikita.
Feeling ni Regine, hindi niya kakayanin ang straight drama.
“Hindi ko naman kayang magdrama. I mean, ‘yung ginagawa ko naman merong touch ng drama pero hanggang do’n lang. Pero kung everyday akong paiiyakin, baka dalhin ako sa hospital. Hindi ko kaya. Mawawalan uli ako ng potassium. I think I’m effective doing comedy kasi hindi naman ako natatakot na papangitin or madapa ako, masubsob ako sa cake. Wala akong pakialam,” esplika ni Regine.
Nakakaloka itong si Regine dahil laughing trip ang hitad nang hingan siya ng comment sa positive feedback ng team-up niya with TJ Trinidad.
“Nakakatuwa naman kasi bilang dyumojonders na ang lola n’yo, nawawalan na ako ng leading man. Natutuwa naman ako kasi bata pa itong si TJ, puwede kong pamangkin. ‘Di ba? Gusto mo ‘yon, puwede ko siyang pamangkin. Puwede niya akong tawagang ‘Tsang’. At least nakakatuwa na feeling nila na puwede pa kaming mag-work together,” sabi ng Songbird sabay hirit ng tawa na pagkalakas-lakas.
BLIND ITEM. TALAGA PALANG GALIT ang mga artistang nakasama ng isang nagmalditang aktres sa kanila noon.
One time kasi ay maagang natapos ang taping. Nagyaya raw ang aktres na bida na mag-dinner. Sama naman ang lahat ng artistang nasa cast pati na ang taga-production.
Noong nasa restaurant na sila, panay ang sabi ng aktres na umorder lang nang umorder ang mga inimbita niya. Makalipas ang isang oras, lumabas ang aktres sa restaurant. At hindi na ito bumalik.
Siyempre, naloka ang cast members at ang production people. Kasi naman, hindi pa bayad ang bill. At wala na nga ang aktres. Para maisalba sa kahihiyan ang kanyang mga kasama, ang magaling na character actress na lang ang nagbayad ng bill pero sumumpa siyang hindi na niya type makatrabaho ang aktres.
Lex Chika
by Alex Valentine Brosas
