SA EVENT NG Cinema One ay nakausap ng Pinoy Parazzi si Piolo Pascual habang naglalayag ang yate para sa cruisin’ ng aktor. Unang itinanong sa binata si KC Concepcion. Ayon sa aktor gusto raw niyang makasama this coming Valentine’s Day si KC. “Wala lang gusto ko lang siyang makasama,” tipid na sabi ng binata na umiiwas pag-usapan ang dalaga ni Sharon Cuneta. “Gusto ko kasing magkaroon kami ng privacy. Actually parang may mali nga du’n sa ginawa ko nu’n nung aminin ko in public na nililigawan ko siya. Para tuloy nagkaroon kami ng ilangan sa isa’t isa which is hindi naman dapat.”
Ayon kay Piolo mas gusto niyang maging malapit sila ni KC nang walang media. “Mahirap kasi kapag nalalaman in public parang hindi na kayo makakilos nang maayos.”
Sa kabilang banda natawa na lang si Piolo sa naging pahayag ni Jericho Rosales na hindi niya liligawan si KC kahit magkasama sila ngayon sa isang pelikula. “Sinabi ni Echo ‘yun? Ha-ha-ha!”
Inamin ni Piolo na may communication sila ni KC, pero never daw niyang kinausap si Jericho na huwag ligawan ang aktres. “No, hindi kami nag-usap ni Echo. Siguro kaya niya nasabi iyon, kung totoo ngang nag-comment siya nang ganu’n dahil ever since ay magkaibigan na talaga kami,” pagdidiin ni Piolo sa amin.
MARAMING KUWENTO SI Gabby Concepcion tungkol sa bagong pelikula nila ng anak na si KC Concepcion na sa kauna unahang pagkakataon ay magkakasama sila. Ayon kay Gabby excited daw siya sa nasabing movie lalo pa’t makakasama nila si Jericho Rosales.
Maraming gagawing paghahanda si Gabby sa movie nila ni KC at ang isa na nga rito ay magkaroon sila nang mahabang bonding ng anak na dalaga dahil sa nasabing pelikula ay mag-ama sila. “Nakakatuwa dahil siyempre makakasama ko si KC, pero nakakanerbiyos din dahil first time na mangyayari ito.”
Masayang nagkukuwento si Gabby sa kung anong istorya meron ang I’ll be There for You, pero bigla itong nairita nang itanong ng Pinoy Parazzi ang naganap na pagbabati nila ng dating manager na si Mommy Rose Flaminiano.” Naku, naku ayokong pag usapan muna iyan,” ‘yun lang ang nasabi ng aktor at sinabayan na ang talikod.
GALIT NA GALIT si Chokoleit sa akusasyong adik siya sa drugs. Usap-usapan na gumagamit daw ng ipinagbabawal na gamot ang komedyante. “Alam mo hindi nakakatuwa ang balitang iyan dahil apektado ako talaga. Imagine pagdating ko sa bahay, tinanong ako ng kapatid ko kung adik ba raw ako at gumagamit ng drugs? Imagine, ngayon pa ba ako magda-drugs?”
Sinabi ni Chokoleit na pumapayat daw siya dahil over work at hindi dahil sa gumagamit siya ng shabu. “Oo, adik ako sa work pero hindi sa drugs.”
Gusto raw sampalin at awayin ni Chokoleit kung sino man ang nagkakalat ng pangit na balita sa kanya. “Pangit na nga ako, pangit pa rin ang balita. Ano ba ‘yan? Kung sino ka mang nagkakalat ng balitang iyan, mahiya ka sa balat mo. Mahiya ka sa sarili mo, dahil nakakasakit ka na ng damdamin. Hindi mo ba iniisip na may sinisira ka?
Sa kabilang banda, hindi raw insecure si Chokoleit sa tinatamasang kasikatan ngayon ni Vice Ganda. “Pana-panahon lang iyan. Tsaka tama lang na siyempre may lumabas ding bago. Wala, walang problema sa akin iyan,” pagwawakas niya.
More Luck
by Morly Alinio
