SA PRESSCON din ng Starting Over Again, inamin ni Piolo Pascual na lumabas sila noon si Toni Gonzaga at nanligaw siya sa TV host/actress. Pero dahil bagong lipat pa lang noon sa ABSC-CBN si Toni at alam ni Piolo na malayo pa ang gusto nitong marating, huminto siya at nagparaya.
Ayon naman kay Toni, nahihiya kasi siya sa kanyang sarili at sa ibang tao na ‘pag sinabi niya na nanligaw o naging boyfriend niya ang aktor, lumabas na parang nag-iilusyon siya. Nagsisimula pa kasi nu’n si Toni at tanggap niya sa sarili niya na hindi pa siya talaga kagandahan noon at hindi pa alam kung paano talaga aayusan ang sarili, dahil nagsisimula pa nga lang siya, samantalang pinakasikat na aktor nu’n si Piolo.
Para sa dalawa ang ikinaganda ng ‘di natuloy na relasyon, wala silang ilangan ngayon at nakapagtatrabaho sila ayon sa kung ano ang hinihingi talaga ng script at role na dapat nilang gampanan.
Maiba Lang
By MELBA R. LLANERA
