PITIK-BULAG! ISANG may-ari ng kilalang comedy bar ang nagpupuyos sa galit sa isang beteranong komedyante ng Kapamilya Network, dahil sa pagmamaltrato nito sa mga baguhang komedyante sa bar.
Nagsumbong diumano ang mga baguhan na pinagsasampal sila sa mukha ng beteranong komedyante, at ginagawang sunud-sunuran lang sa kanya.
Eh, buti nga kung sa set ginagawa… minsan off set pa na mismong ang may-ari na ang gustong sumampal sa kanya dahil sa mga pinaggagawa niya.
Statement ng owner: U earn respect by respecting others… never ask for it… kung alam nyo lang kung bakit ganyan ang statement ko, yung iba kc dinadaan sa pagiging senyora ang respeto eh ala namang napatunayan!!!
Sino ito na more-more na ang kamalditahan at talagang nag-aasta na siya na ang pinakasikat at feeling owner ng bar?
(Tita Swarding)
